› 選擇地區
三藩市
紐約
洛杉磯
其他美國地區
香港 台灣 北美
 
2015年07月16日

𡃁模Elise變狀元
34分入大學

現年20歲的性感女子組合Donut成員Elise(陶嘉莹),擁有34C導彈身材的她,絕對不是胸大無腦的𡃁模,今年重考文憑試DSE的她,昨日放榜獲34分的好成績,報考6科考到4優共5粒星,其中通識科更達5**,成為「𡃁模狀元」的Elise開心到跳起,志願是入讀港大法律系,Elise今日將現身灣仔書展宣傳性感寫真,她說:「我覺得最重要係出於污泥而不染。」

相關新聞:志願耶魯:愛書愛寫真

四年前16歲加入Donut的港產𡃁模Elise,不但擁有導彈34C、24、35身材,還有「翻版蔡少芬」之稱,現年20歲的Elise是應屆中學文憑試DSE重考生,就讀九龍塘陳樹渠紀念中學,昨天放榜大日子,Elise前晚在床上輾轉反側,昨早6時起床準備返校取成績單,於10時許抵達九龍塘港鐵,心情緊張的她先到便利店買凍飲,當獲知考到34分好成績後,興奮到在校門外跳起Yeah,並馬上致電媽咪報喜。

不滿意英文

去年考到26分的Elise,分數不似預期,故決定重讀一年,今年報考6科,結果獲得4優共34分,成為「𡃁模狀元」,她展示成績單開心說:「𠵱家best 5有30分,總分有34分,穩陣入到我最想入嘅學系,所以都好開心。」其中通識科獲5**,中文、經濟、會計獲5*,她說:「最唔滿意數學攞5,英文攞4,比自己預期低咗。」
Elise自小志願是做律師,現獲好成績是否有信心達成夢想?她說:「因為我係第二次考,所以想保守啲穩陣啲,如果學士讀法律系,出路會有風險,所以屋企人建議我讀BBA金融嗰啲。讀完書出嚟做幾年嘢儲啲錢,之後再進修上去,因為課程都幾貴。」為了考到好成績,Elise期間書不離手,她說:「我上年失敗過一次,畀多次機會自己,唔好塞住自己嘅後路,同埋都有去補習,老師話要背嘅都背晒,由朝頭早溫書溫到瞓覺,總之食飯都係對住本書食。」

相關新聞:低絕𡃁模:陳靜儀有1分

求分數壓力大到滿臉爆粒粒,Elise曾感到好自卑,但她說:「我始終覺得讀書對女仔先係最緊要,所以將外貌擺喺第二位,我覺得讀咗書之後,成個人嘅氣質會返番嚟,同埋會比較有修養,可能會改變大眾對𡃁模嘅印象,並唔係唔讀書、淨係識得扮靚。」問是否介意被標籤做𡃁模?她說:「其實我唔介意,唔覺得𡃁模係一個貶義嘅詞,不過𠵱家就好多其他𡃁模,搞到大眾對呢行形象負面咗,我覺得最重要係出於污泥而不染。」

今書展凱旋

問為何選擇做𡃁模?Elise說:「想趁青春留番啲倩影,我已經第四年出寫真。」考完DSE後會否離隊?她說:「如果課餘時間啱,就會接模特兒工作,屋企人最初擔心我冇辦法顧及學業,見到我兩邊都顧及得好好,所以都好支持。」入行四年出了四本寫真的她,今年跟Donut推出《回家˙愛》性感寫真,穿着三點式、純純兔look大晒34C導彈,今日更以「𡃁模狀元」之勢殺入灣仔書展宣傳寫真。
採訪:比華利
攝影:陳俊強

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載