› 選擇地區
三藩市
紐約
洛杉磯
其他美國地區
香港 台灣 北美
 
2015年07月21日

楊秀惠狂晒生日相
陳瀅貼愁爆獨照

早前大台嘅姐仔們就發生咗一單「電話離奇失蹤事件」,當時「新一代宅男女神」陳瀅(Jeannie)就拍完劇,發現唔見咗個電話,最後個電話原來喺楊秀惠個篋入面。楊秀惠就話都唔知點解會發生呢件事,不過楊秀惠就話同陳瀅好好朋友,所以得啖笑。
表面係咁講,但實際上又點呢?昨日就係楊秀惠嘅生日,前晚佢一班好姊妹就幫佢慶祝生日,而陳瀅都有出席,唔只出席,仲準備咗個蛋糕。楊秀惠一口氣貼咗多張圖,寫道:「謝謝,妮妮(許亦妮)、Jeannie陳瀅女神的蛋糕,我太愛了,還有太多的好友,由於工作關係無法出席,你們的祝福我都收到了,太愛你們的,接下來的幾個星期,繼續慶祝!!」唔似有心病囉(好似係)…咪住先,花生呢?

是咁的,楊秀惠貼咗好多張party相啦,其中呢張壽星女合十許願嘅,咦,支香檳不偏不倚,啱啱好遮住咗女神陳瀅個樣……真係咁巧合喎!如果有心揀靚相的話,點會咁唔小心揀著呢張0架…影嗰陣又冇人為意喎……(正所謂女人心係咪?)仲有,楊秀惠就狂貼生日相,但到賀嘅陳瀅就冇貼合照,只係貼咗張單人相……

另外楊秀惠仲貼咗條片,就係佢哋打算開香檳,不過都未有人掂支香檳就自動開咗,嚇到成班女仔大叫。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載