› 選擇地區
三藩市
紐約
洛杉磯
其他美國地區
香港 台灣 北美
 
2015年08月02日

盼港同性婚姻合法
明哥考慮結婚

黃耀明、慢必、周一嶽和何秀蘭昨日在油麻地百老匯戲院為大愛同盟舉辦的《流離所愛》慈善首映對談分享會擔任嘉賓,當他們談及同性婚姻的權利,台上的何秀蘭向明哥暗示如果結婚要請她飲喜酒,不過明哥無反應。明哥在會上提到同性婚姻合法化時,他多次強調如果香港通過同性婚姻合法化會認真考慮結婚,他說:「到時有伴侶嘅話,人生無常,你有伴侶未必配合到你,有嘅時候又未必有伴侶。」
明哥表達對香港婚姻制度的睇法時:「成日覺得異性戀點解我哋冇,喺一個平等公義社會,好多婚姻係法律上嘅安排,同戀愛、浪漫係冇直接關係,但喺生活上係要有法律上嘅保障,就算我冇準備結婚,希望相信婚姻嘅人會有呢個權利,如果香港有呢個機會我會嚴重考慮結婚,聽慢必講醫院點安排,遺產點分配,關於每個人生活上好重要嘅嘢,冇一個法律保障,我哋永遠都係二等公民,嗰樣嘢係咪叫婚姻,大家可以再討論,但係至少同志係咪可以有成家立室嘅權利。」

適當場合會「攜眷」

明哥覺得同性婚姻是基本人權,有其他國家雖然未能夠通過同性婚姻合法,但亦有民事結合。明哥表示暫時不會到外國結婚,在適當場合更會「攜眷」出席,但絕對不會是演唱會,因為不是做騷。
採訪、攝影:溫敏芝

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載