蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年08月06日
馬上成為壹會員

新城國語力勢成大贏家
G.E.M.孖馮允謙夜遊

【爆相爆片】鄧紫棋(G.E.M.)跟台灣歌手林宥嘉分手後,今年2月與巨聲幫馮允謙同遊中環歐陸嘉年華爆緋聞,昨日讀者劉先生透過「爆相爆片」報料,指前晚9時目擊G.E.M.孖馮允謙漫遊銅鑼灣,兩人急步而行好快消失影蹤。繼2月同遊中環,前晚又孖咇行銅鑼灣,未知是否共墮愛河?
雖然讀者提供的短片,未能清楚看到G.E.M.的樣子,不過G.E.M.前日在微博貼食早餐相,所穿的灰色背心跟髮型,跟爆片的女仔一模一樣,對面還有一份早餐,不知是否跟馮允謙共進早餐呢!記者向G.E.M.求證,其所屬唱片公司回覆:「搵唔到佢,公司唔會控制佢同乜朋友出去。」問馮允謙是否跟G.E.M.拍拖?他昨回應:「只係一班朋友食飯,因為其他人遲到,我哋會合咗先。」

獨攬四獎

此外,新城「國語力頒獎禮2015」將於明晚假灣仔會展舉行,據本報收到可靠消息,新城愛將G.E.M.獨攬四個獎成為大贏家,去年尾在新城「勁爆樂壇頒獎禮」上,雖然沒新歌都可以擸四個獎的G.E.M.,明晚再下一城繼續領風騷,果然獲得新城的特別厚愛。
至於其他獎項方面,周柏豪、連詩雅、李逸朗、林曉培、糖妹等都有獎,謝安琪(Kay)雖然有國語歌《跟著眼淚轉彎》角逐,但Kay因不出席所以冇獎,經理人夏森美接受電話訪問承認:「Kay雖然喺香港,但忙籌備演唱會同國語碟錄音,同埋只派咗一隻歌,雖然成績好好,不過唔去冇獎冇所謂,唔會影響合作,8月30日做新城台慶,檔期啱一定會支持。」
採訪:皓騫
攝影:沈健程

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載