› 選擇地區
三藩市
紐約
洛杉磯
其他美國地區
香港 台灣 北美
 
2015年08月06日

栢芝帶仔返港長住
「碌昆」九月開學

栢芝自從2011年同前夫謝霆鋒離婚,一直帶住兩個仔謝振軒(Lucas)及謝振南(Quintus)過住「遊牧民族」嘅生活,前年傳佢同仔仔移居加拿大,又真係生活咗一排嘅,跟住上年就同仔仔再去新加坡住兼喺當地讀書,更不時被網民捕獲野生栢芝,成日帶埋啲仔仔去行街街買嘢,昨日有周刊指,栢芝今次同啲仔返嚟香港停留,係因為栢芝決定由新加坡回流香港,Lucas同Quintus亦順利考入同一學校。

據周刊報道表示,栢芝早年曾幫大仔Lucas報讀沙田ICS國際學校,當時張堅庭同鄧萃雯幫手,搵牧師幫Lucas寫推薦信,Lucas都有去面試,最終都PASS唔到,不過今次栢芝想留喺香港長住,又要仔仔Lucas入ICS,今次搵咗鄭明明幫手,Lucas終於成功入讀,與同Quintus喺今年9月正式開學,到時一家三口會搬番香港,據知,呢間學校唔止學費唔平,要入讀都唔係咁易。

其實栢芝同霆鋒離婚初期,Lucas當時考到入香港仔加拿大國際學校,不過嗰陣栢芝心情低落,成日帶住兩個仔周圍飛,就連去拍內地外景都要帶住啲仔,2013年喺加拿大國際學校開學日就缺席,校方要求家長解釋,兼落最後報到限期,點知栢芝仲潛埋水,Lucas最後被取消入學資格。目前Lucas同Quintus順利考入ICS,栢芝都決定同仔仔搬番去舊居世紀大廈嗰個過億元單位住,出入安排司機接送仔仔,周刊又指,栢芝一直想搬返嚟,因為家人都喺香港,起碼有咩事都有照應,得閒又可以見下佢教會朋友,返內地做嘢,都可以返嚟見個仔。

話晒早前有傳栢芝同大佢12年嘅內地富商孫東海過從甚密,今年初更被內地傳媒影到栢芝喺北京工作,喺對方豪宅住咗2晚,據悉男方係為咗方便栢芝喺北京及新加坡往返,先專程喺機場邊買豪宅,依家搬咗返香港,返嚟似乎更加快。另外,栢芝今年三月仲用咗佢個姓氏,加兩個仔個名嘅單字,成立「張南軒」慈善基金添!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載