› 選擇地區
三藩市
紐約
洛杉磯
其他美國地區
香港 台灣 北美
 
2015年08月08日

【壹週刊】飛起高海寧
王晶睇中處女黨王君馨

【壹週刊】《賭城風雲2》喺內地勁收10億人仔,立即宣布拍第3集, 不過女角方面就大執位,連劉嘉玲都要一出場即死,其他例如負責「胸」人嘅高海寧,全部出局,改由大台處女黨之一嘅36D王君馨頂上。

拍《賭城2》時,因為大台有份投資,所以之前大條道理咁安插忽然富貴嘅朱晨麗同高海寧演出閒角。嗱,雖然高Ling戲份少,只係負責著住比堅尼揸水上電單車,但片來片去又開槍,其實都好搶鏡!

有劇組人員透露,今次拍續集,據知大台都有投資,但王晶指名要用王君馨。自從睇過王君馨喺電視劇中打出個36D嚟誘惑豹哥,王晶係咁讚人索,又話呢個女仔有得做!當時其實王晶已經想問大台攞人,不過大台就諸多留難,又話冇期又話盛,最後電影用咗奀星張慧雯,到今次先肯放人。

早幾日《賭城3》開記招,除咗原有嘅發哥同張家輝有去,續集仲搵嚟劉華同張學友加盟,投資同陣容都落重本。王君馨亦把握機會,同成班重量級巨星Selfie,之後更喺微博多謝王晶。咁又係啊,如果唔係王晶關照,入行8年嘅王君馨睇怕冇乜機會一齊演出。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載