› 選擇地區
三藩市
紐約
洛杉磯
其他美國地區
香港 台灣 北美
 
2015年08月09日

【壹週刊】炒燶股輸清袋
林俊賢:我想贏但輸得起

96年退出娛圈從商,但經營不善,後來更炒燶股票,林俊賢話,真係一鋪清袋。「真係一無所有,當時我覺得,兩句說話可以概括,大地在我腳下,變成我在大地腳下,用傷心二字來形容並不過份。」
人生人大衝擊,林俊賢當時唔知點樣面對,只識得唔開心,幸好佢識同自己講「好正常,我不過係普通人一個,遇到失敗好正常。」但話晒都係喺電影圈賺返嚟嘅第一桶金,得來不易,點解會揀風險咁大嘅投資?「當年唔覺得股票風險大,未見過,唔知道。然後就學識,原來咁樣碟餸會燶,要交很多學費。」
學費的確好甘,但林俊賢仍堅持,自己嘅投資理念係正確嘅。「我一直都覺得我嘅投資理念是正確嘅,第一次輸俾自己,第二次有一半唔係我責任,第三次更唔係我責任,所以我冇錯,所以我現時仍管理基金。」
「我想贏,但亦輸得起,喺遊戲規則絕對公平嘅情況下,我絕對輸得起。就如打籃球,我已經一打五,你仲要拎走個籃?好,我最多放棄進攻,一味防守。你仲要搵四個人綁住我雙手雙腳?咁你一定贏,咁就叫唔公平。」當年情況就係咁?林俊賢點點頭。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載