蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年08月09日
馬上成為壹會員

陳智燊求婚成功
宋熙年冧爆騷鑽戒

37歲嘅陳智燊同今日正式踏入30歲嘅宋熙年,兩個拍拖愛得高調,陳智燊又多次講宋熙年係佢嘅結婚對象,而啱啱陳智燊就喺佢嘅facebook公佈喜訊喇!

噚晚陳智燊喺facebook貼咗張同宋熙年喺Sydney嘅合照,相入面就見到宋熙年手上有隻好閃嘅鑽石戒指,而陳智燊仲話:「21.07.2015 Milsons Point, Sydney. She belongs to me.」仲要打多個心心嘅符號,真係好幸福喎。

陳智燊之後接受我哋電話訪問,話係7月21號成功求婚:「多謝,好興奮,其實一直都有計劃結婚,但一直都未求,又好想畀驚喜佢,嗰段時間係佢爸爸生日,佢去咗澳洲探佢,因為我要拍劇唔可以一齊去,但我就同監製拎咗兩日假,即日來回去到澳洲,我都係博一博,我知晒佢啲行程,喺一間餐廳門口等咗個幾鐘,佢一見到我都感動同驚訝。」Jason仲話有準備花、跪地都有做齊,仲加埋有宋熙年父母做見証。

問到宋熙年嘅爸爸媽媽有冇幫手透露行程?Jason就話冇,因為怕佢哋嘅表情會穿崩,所以佢自己一個守咗呢個秘密好耐。問到有冇喊,Jason就話:「其實我一早準備咗要講咩,但係到咗講嘅時候就喊晒,都講唔到。」

再問到佢哋會幾時結婚,Jason就話:「呢個真係未知,不過一直都有諗,希望可以喺英國、澳洲或者香港搞,睇吓到時會喺邊,因為香港都好多朋友同事,都想同佢哋分享呢個快樂。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載