› 選擇地區
三藩市
紐約
洛杉磯
其他美國地區
香港 台灣 北美
 
2015年08月11日

新舖開張 唔畀男友搶鏡
杏兒默認婚訊:當係先啦

胡杏兒與設計師姚子裕創立的婚紗禮服專門店「KEVOLIE」昨日開幕,獲「胡說八道會」好姊妹胡蓓蔚、胡定欣、黃智雯、姚子羚及李施嬅(原名李詩韻)撐場,齊齊着婚紗現身位於尖沙嘴的店出席開幕禮。另外,宣萱及陳爽亦有畀面到場,惟杏兒男友Phil就冇影,杏兒表示:「佢本身想嚟,但我怕佢搶我同成班姊妹鏡,所以我心痛地推咗佢,不過佢有送花!」
有傳杏兒會於12月28日跟金融才俊男友Phil於英國結婚,昨日她未有否認,還笑說:「今日當係先啦!不過今日嘅男主角係我拍檔。總之如果有嘢宣佈會話畀大家知,因為都係開心事。」問她是否會選擇在外地結婚?杏兒依然口密,表示現在先諗搞好生意,又指自己為新舖失眠了幾星期,她說:「有啲人以為明星效應會好貴,但其實唔係,有好多套餐選擇,可以借可以買,而且手工好靚。」

相關新聞:李施嬅驚分手唔同居

定欣:我哋好開心

另外,有指樂易玲主理的邵氏兄弟出價3,000萬邀她加盟,杏兒亦避談:「好多謝所有公司,因為啱啱開舖,想搞掂晒先,未諗住,不過遲啲都要決定。」問她簽邵氏兄弟成數可高?她仍然避談:「我需要坐低靜靜哋去諗,錢唔係最重要,機會同合作模式都要考慮。」
至於剛承認與音樂人陳明道蜜運中的胡定欣,昨被問到婚期時表示:「唔會追過杏兒,佢要係第一個,因為婚紗店係佢,點衝都衝唔到。」提到有報道指她拍拖後收起港女性格,不再發脾氣及做「貼身膏藥」,定欣表示不介意:「我唔會理呢啲字眼,兩個人嘅事只有兩個人先知,我哋好開心,唔使解釋。」
採訪:黃曉妍

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載