› 選擇地區
三藩市
紐約
洛杉磯
其他美國地區
香港 台灣 北美
 
2015年08月23日

自爆融入林家頻約食飯
千語BB唔急嫁林峯「都冇人催」

吳千語與林峯拍拖3年,當初林峯公開承認戀情時,曾高調大呼7次「好愛」千語BB,並多次透露想娶千語BB過門,不過同時亦屢傳千語BB不獲林家接受,更曾傳出有「廈門李嘉誠」之稱的林父不滿她豪花林峯錢。最近再有指千語BB向林峯逼婚失敗,在中環出席朋友飯局時借酒澆愁,向同枱好友大吐苦水,指林峯不肯結婚,又不獲男方家人尊重。
千語BB昨日在上環出席時裝活動,否認向男友逼婚,強調最近都在上海工作,她說:「好好笑,我都好耐冇試過喺中環坐底飲嘢。」有否向林峯催婚?千語BB自覺還年輕,她說:「我又唔係好急,今年12月27號先22歲,未係適婚年齡,都冇人催。」她自言經常被傳不討男家歡心,但實情並非如此:「兩星期前,先同佢屋企人食飯。」對於有傳早前林峯堂妹林夏薇結婚,千語BB和男家甚少交流,她解釋是林父想低調:「唔係,嗰日同輩坐埋一枱,分得好開,嗰晚好開心,佢哋不嬲唔係咁想講,所以都低調啲。」

唔怕兩韓備戰

千語BB與韓星李敏鎬在下月開拍的中、韓合作電影《賞金獵人》要延遲開拍,電影原本要在泰國曼谷取景,延遲開工未知是否與四面佛爆炸案有關。另外,由於電影亦會到南韓取景,但最近兩韓關係緊張,不過千語BB仍然表示不太擔心,她說:「我哋喺韓國首爾附近拍,自己都去過好多次首爾,覺得係好安全嘅地方。」
採訪:羅慧敏
攝影:仇志德

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載