蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年08月28日

離無綫開居酒屋
高鈞賢買餸執枱一腳踢

【做埋侍仔】
力不到不為財,高鈞賢親自執枱。

高鈞賢離開無綫後自立門戶,與朋友投資過百萬進軍飲食業,在長沙灣開設居酒屋,主打串燒燒和牛。高鈞賢在舖頭由清潔、入貨、入廚、門面執枱工作一腳踢親力親為,體驗打工感受,實行「自己未來,自己揀」。廚藝了得的他由香港先生冠軍變做暖男,拿手整炭燒牛扒,現在逐步進發,未來希望開牛扒屋。

燒牛扒傷手

新舖試業一星期,高鈞賢每日下午已返舖頭打點,搬搬抬抬、開票收貨、再到街巿買餸已接近黃昏,高鈞賢日前說:「自己曾經做過生意,經驗話我知力不到不為財,自己都要有準備,例如個廚會請假又或唔夠人手時,自己都邊學邊做,日前燒牛扒時就burn到傷咗。」他隨即展示左手腕上的「戰績」。高鈞賢還自創了一道日式配料海鮮蒸,追趕潮食風氣,還有大量清酒在舖內坐鎮。

過往拍劇時身份被動等出糧,如今高鈞賢得到前所未有的溫暖和滿足感,他說:「𠵱家雖然有危機感,但食肆做得好即時睇到客人反應,我試過入廚煮嘢見到客人食晒,好大滿足感。」
眼見高鈞賢走到街巿亦頭頭是道,和菜販檔主打牙骹格價,高鈞賢笑說:「以前去街巿買完即走,𠵱家要行晒個街巿搵貨買嘢,最初都會唔慣要喺條街走來走去,但好多嘢忙你就唔會諗,而且佢哋好溫暖㗎,有時會計平我,尤其街巿豆腐檔阿姐同條街啲五金舖頭都會,呢啲係我以前拍戲時從未感受過嘅一面。」
採訪、攝影:卓寶花

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載