› 選擇地區
三藩市
紐約
洛杉磯
其他美國地區
香港 台灣 北美
 
2015年08月28日

《三城記》玩盡Long D
導演多謝方逸華

張婉婷導演的電影《三城記》緣起想拍一套有關香港上一代逃難的故事,一向鍾情移民故事,早年就有譽為移民三部曲的《非法移民》、《秋天的童話》及《八兩金》作品問世。她笑言原本想拍自己的父母:「佢哋以前成日講起走難嘅故仔,都好曲折動人,不過冇心機聽。到我想聽返嘅時候,佢哋已經唔係度,所以搵咗人哋嘅故仔嚟拍,不過戲裏面秦海璐飾演嘅仇肖玲仇大姐,就真係媽咪嗰名。」她表示當年父母的愛情故事亦頗堪回味,家族經歷由擁有幾條街到住板間房,可惜最後要拍別人的故事。

談到當年入行經驗,張婉婷表示一定要多謝兩個人方逸華及張堅庭,她說:「美國讀電影畢業要拍套作品,同班嘅同學唔係油王嗰仔就喺某位巨星嘅細佬。喺得自己要靠自己,咁啱有幸認識嚟學校參觀嘅方逸華小姐,之後就膽粗粗擰咗個劇本返香港去邵氏畀佢睇。」不過過程亦不是一帆風順,直到臨離開香港返美當日跟編劇的羅啟銳仍未見到方小姐,最後要靠張堅庭出手相助:「喺邵氏見到阿庭(張堅庭),大家都喺美國讀電影,佢嗰時幫邵氏拍完套《表錯七日情》可以直達「天庭」,最後佢帶我哋直接去見方小姐。最後方小姐好爽快話冇問題,唔使兩日已經過咗100萬(元)入我戶口,卒之拍成《非法移民》。」


採訪:何永寧、黃芷蔚
攝影:林德雄、廖達燊、馮峰

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載