› 選擇地區
三藩市
紐約
洛杉磯
其他美國地區
香港 台灣 北美
 
2015年08月30日

【七筆思議】【風人院】
Miss NO SHOW! - 杜如風

小妹去旅行時,了無牽掛,喪買喪食,總是不夠時間上飛機。

小妹經常周遊列國,但miss班機的頻率簡直是50/50!自己去旅行時,了無牽掛,喪買喪食,總是不夠時間上飛機,接機的助手已習以為常:「今日返唔返到呀你?」「我又買嘢買到趕唔切上機啦,改咗機票聽日先返,麻煩你聽日先嚟接我啦!」「估到你啦!你係聽日返至好!」
而出發工作方面呢,我會比較謹慎很多,工作還工作嘛,可惜,總有蝦碌。

過期簽證阻出發

事情發生嘅一次,我跟導演two men crew準備出發去紐約拍《風行全世界》,在我們check in的時候,因為我是拿加拿大護照,所以不用美國簽證,但導演是拿香港護照,雖然他有十年的美國簽證,但那簽證的expiry date是2012年(當時是2013年)!
「哎呀對唔住呀Helen!我都話我不嬲有文盲㗎啦!我𠵱家即刻去做快證,我諗至少都要一個星期㗎,sorry呀!」此時地勤小姐對我說:「杜小姐,咁你飛唔飛住呀?」「吓,部cam喺佢度,我飛過去都徒勞無功啦,唔通我自拍一個禮拜咩?」於是,我們打了一轉白鴿轉,轉了回家!
導演非常內疚,不停跟我說對不起,反而我就相當高興,因為我無端端多了一星期假期,前期工夫可以準備得好一些,我又可以瞓得晏一些,真好!

冬令時差瞓過龍

然後,順利拍完紐約了!大家都筋疲力竭,臨上機前睡得幾多得幾多,本來我們要兩點半出門口,但我拿着一張舊的itinerary,興奮地對導演說:「喂,原來我哋班機三點半先至出門口都得喎!」當時大家都濛濛忪忪,可以睡多一小時,就真係阿媽都唔認得啦!
好,到了機場,地勤姐姐說:「你班機15分鐘前已經飛咗喇!你拎住呢張係舊嘅itinerary,今個星期剛剛轉了冬令時間,所以itinerary上是慢了一小時!」「唉呀,又輪到我衰番一次啦!咁點都要走㗎啦!」然後問地勤姐姐我們應該怎麼辦,她已經很好人了,不用我們另加收費,可能是導演張Marco Polo card幫到手,她說:「下一班機會喺九個鐘頭後由多倫多飛來紐約、再直飛香港,我已經將你倆放入waiting list嘅頭兩名,上機應該冇問題了,但係要等九個鐘囉!你哋等唔等吖?」「惟有等啦!」
於是,我跟導演在機場玩了九個鐘頭啤牌,因為怕兩人都睡着了會俾人偷行李,我倆惟有由玩鋤大D玩到潛烏龜,等時間是最納悶和最浪費青春的事!終於安全回港,紐約一役,我和導演一人衰一次,算是公平了!

日本買到走飛機

要數到miss機的重災區,必定是日本這個「天國與地獄」,「天國」是因為日本太過五光十色、有買不盡的華衣美服、及太多心頭好;而「地獄」就是無論你有多少張信用卡,都一定會破產!兼夾買到miss咗自己班航機都唔知!以小女多年來在天國與地獄之間遊走的經驗,現今,我學會了盡量保持自己留在人間!

【風人院】
撰文:杜如風

旅遊節目:《流行東京1,2》阿四,《風行全世界1-5》幕後黑手,《流行首爾》 眾矢之的。著作:《風行系列1-7》

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載