› 選擇地區
三藩市
紐約
洛杉磯
其他美國地區
香港 台灣 北美
 
2015年09月02日

結婚16周年蜜遊馬爾代夫
黑仔夫婦Selfie婚照圓夢

姜皓文揹起老婆在沙灘玩自拍。

姜皓文(黑仔)和老婆金慧英今年結婚16周年,當年他倆結婚時一切從簡,既沒拍婚紗照也沒有蜜月旅行,苦候16年的金慧英,終於等到了!日前他們到馬爾代夫旅行,原來此行有多重意義,除了補度蜜月及補影結婚相外,也順便預祝兩公婆10月的生日。

感激太太包容

黑仔昨日接受訪問說:「平時我哋每年都搞生日,10月24至26號呢3日,係我同太太嘅生日,加埋結婚周年連埋一齊,今年10月我要去北京同留喺香港開工,冇期,所以就提早去馬爾代夫旅行,今次成個行程都係太太安排。」
黑仔坦言想彌補當年結婚沒有做的事,但又不想過份勞師動眾,所以沒請攝影師等人同行,他說:「自己帶咗一套白色禮服,太太就有幾套婚紗,兩箱行李,想嚟一次特別啲嘅自拍(Selfie),自己帶埋腳架同遙控自拍。我哋又鍾意浮潛,其他行李係器材同救生衣。」至於選擇到馬爾代夫影婚紗相,亦是金慧英的意思,黑仔說:「趁陸沉前想去一次,太太對呢個地方好有情意結,佢10幾年前去過拍廣告,一路話想再去,咁咪陪佢去多次囉,其實一直都想陪佢去旅行,不過年幾都請唔到工人,𠵱家請到又安定晒所有嘢。」他指請工人目的是要照顧家中的貓狗:「好掛住啲貓狗,我哋每日早晚兩段時間同姐姐(工人)chit chat,睇吓湊得佢哋好唔好。」
談到結婚16年的感受,黑仔感激太太過去一直的包容:「結咗婚咁多年嚟,兩公婆大家都好包容,計埋未結婚日子,相處咗20幾年,好難得,希望一直好落去。」金慧英則笑說:「夫婦之間咪包容、包容再包容,同忍忍忍囉!」
採訪:炎炯炯

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載