› 選擇地區
三藩市
紐約
洛杉磯
其他美國地區
香港 台灣 北美
 
2015年09月02日

美心妹妹升小二
媽咪要簽14份學校通告

漫長暑假終於放完,今年7歲嘅「美心妹妹」楊鎧凝(Celine)升小二喇!喺暑假雖然爆出寫真風波,但都無損佢心情,媽咪仲買咗兩隻龜畀佢同細佬做寵物,Celine每日都好用心照顧。

Celine都好期待昨日開學,佢一早就換好整齊校服出門口,紮住孖辮叉起腰嘅Celine精神奕奕,因為第一日開學冇功課做,楊太接咗佢放學就一齊返屋企休息,Celine接受《蘋果》訪問話:「我今日返學好開心,不過我就冇功課做,但係媽咪就有14份學校通告要簽。」

楊太強調Celine開學後必以學業為重,佢話:「Celine其實返學都好忙,仲要兼顧課外活動,佢要學游水、跳舞同溜冰,仲要學英文同數學,不過呢啲活動全部都係佢鍾意。」

Celine嘅寫真風波暫時告一段落,楊太早前都接受大台訪問時,都否認以囡囡做搖錢樹,又聲稱囡囡出席好多慈善活動係免費,商演酬勞都好低,仲全部入晒Celine銀行戶口。

前日開課前夕,Celine嘅facebook專頁,貼咗佢幫英語學校拍嘅教英文短片,當然有tag埋間學校宣傳吓喇,Celine話飲湯唔係drink soup,而係have soup。而嗰間英文學校都貼咗另一條片,係Celine教大家coupon嘅正確讀法。Celine高半度讀法,係咪可以降番半個key?楊太否認呢個係新接廣告job:「Celine一向呢間學校學英文。」至於酬勞呢?楊太話:「唔回應啦。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載