› 選擇地區
三藩市
紐約
洛杉磯
其他美國地區
香港 台灣 北美
 
2015年09月08日

連詩雅畏高玩滑翔 空中爆喊

周柏豪、連詩雅(Shiga)、Dear Jane、A2A跟陳詠謙日前去到拉斯維加斯,參加唱片公司舉辦的「華納星聲斗」真人騷,分兩隊進行比賽,結果Shiga的一隊輸了要接受大懲罰。畏高的Shiga被迫玩樓高51層的Zip line(高空滑翔),只有一條安全帶兼兩旁沒遮沒掩零安全感,嚇到她緊緊捉着身旁的柏豪手臂,緊閉雙目喪嗌喪喊,玩完返回地面後,才知道被整蠱。

柏豪捱義氣相伴

昨日Shiga接受電話訪問說:「超級無敵畏高到不得了,我未上去見到已經好驚,之前一晚狂問可唔可以唔玩,大家原來設局呃我。」結果Shiga上當喊住玩,她說:「我等所有人玩晒,佢哋都喺我面前扮唔驚,A2A滴眼淚話有沙入眼,我咪試吓啦。周柏豪師兄好捱義氣,佢陪我玩多次,踏出去企側邊已經好大關口,我開始忍唔住係咁喊,喊到虛脫想暈低,50幾樓,其實係好恐怖,得一條安全帶,張凳冇嘢扶,嗰刻腦裏面好似18年,點解咁漫長。」

拍完後知道被設局,Shiga即時呆了,她說:「老闆知道有讚我好專業,雖然我未衝破到畏高恐懼,但起碼覺得係好嘗試。我真係好細膽,連打針都喊,柏豪隻手畀我扯到紅晒,耳仔就嚟聾,睇番片先知自己掙扎得咁嚴重,sorry師兄,大家攬住我安慰時,覺得自己好瘀。」
採訪:皓騫

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載