› 選擇地區
三藩市
紐約
洛杉磯
其他美國地區
香港 台灣 北美
 
2015年09月08日

谷渡海泳拉人落水
肥人魚欣宜撼飄逸Kay

自從表明不再減肥,堅持要做自己的鄭欣宜,雖然曾因體重上升而失去泳衣廣告,但她一於懶理,決心打破肥人禁忌,反而贏得不少讚賞。最近欣宜與謝安琪(Kay)和網絡紅人達哥林慧韡等,齊齊落水為下月18日在維港舉行的「維港渡海泳」拍照,為健兒打氣。
經常在社交網晒三點式的欣宜,今次以性感美人魚造型上陣,笑稱感覺很好玩並說:「我都好期待出嚟嘅效果,今次係我第一次以美人魚造型游水,嗰日浸咗兩個鐘,啲皮膚都皺晒。雖然眼神對影相好重要,但喺水底入面,其實就算撐開對眼,有燈照住你都唔係好望到鏡頭喺邊,不過原來冇兩隻腳嘅輔助,移動時係好困難。」她更笑言:「我最想去一個冇人嘅地方游水,我好有信心參加渡海泳㗎,但係要練習5年先。」

達哥水中照打機

同樣首次在水中拍攝的Kay,以人體彩繪造型拍攝,她笑說:「就算喺水裏面擘大眼,原來乜嘢都睇唔到,只可以憑感覺行事,加上脂肪多肌肉少,好難『沉住氣』停喺水底拍攝。」網絡紅人達哥要在水中打機,平時過關斬將的達哥直言有難度:「最難係在於我唔識得游水,但又要保持鎮定。」
撰文:張曦彤

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載