› 選擇地區
三藩市
紐約
洛杉磯
其他美國地區
香港 台灣 北美
 
2015年09月09日

馮仁昭四圍超:
宋熙年陳智燊擺酒「最想搞三次」 - 馮仁昭

陳智燊喺7月秘密到澳洲向宋熙年驚喜求婚後,噚日以準夫妻檔現身銅鑼灣一個礦泉水活動,兩個着到襯晒色咁手拖手出場,又向市民派水。今次係佢哋公佈婚訊後首次出席公開活動,叫價應該更加高,陳智燊話:「唔知呀,應該唔會嘅,要問經理人。」
有傳佢哋會喺年底擺酒?陳智燊話:「年底快得滯,我父母喺英國,佢父母喺澳洲,兩個媽咪見過面,但雙方屋企人就未見過。」宋熙年補充指:「有啲習俗同傳統,睇吓有乜要做,畀多啲時間佢哋商量。」問佢哋婚宴搞三次定一次過?陳智燊抹晒汗咁話:「計一計條數先,能力範圍內做到嘅都想做。」宋熙年又話:「最理想係搞三次,不過盡力而為啦!」

先婚後Plan B

有傳佢兩個馬鞍山築愛巢趕生B,陳智燊否認話:「結咗婚先計劃plan B。」宋熙年想按部就班,如果一次過發生要好多嘢配合,所以係唔會有其他喜訊。陳智燊都唔想有意外,想賺多啲錢,籌夠錢喺三個地方擺酒。
對於最近有唔少人離巢,陳智燊指自己同無綫仲有幾年合約,而宋熙年就仲有一年,佢話,「結咗婚唔會唔做嘢,怕被社會淘汰。」
撰文:馮仁昭

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載