蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年09月10日

政協陳小春擲7千萬
購大埔逸瓏灣豪宅

喺微博向鏡頭做出致敬手勢,同搵人仔無關,同投共鳥都無關;同樣,向祖國反法西斯致敬後再同班兄弟去外國登台搵快錢,兩者同樣無衝突。好似係。

惠州政協陳小春,日前中共大閱兵,陳政協於微博貼致敬圖,還寫道:「七十年前還記得嗎?向所有在反法西斯戰爭中為民族解放而英勇奮戰過的,犧牲了的和倖存的前輩,致敬!」就有人問:「為一個『法西斯政權』慶祝反西斯戰爭勝利去致敬助興?」難答。

陳小春當然暫未有回應,因為佢忙於同一班古惑佬去咗美國登台賺美金。又搵人仔又勾結外國勢力,豬籠入水,難怪買完一層樓又一層,昨日有周刊報道指,陳小春最近更一擲七千萬,購入大埔逸瓏灣2期、3,800呎相連單位,4廳8房,睇晒成個吐露港,兼與賺人仔賺到笑嘅王祖藍做樓上樓下。

新居就只係有陳小春個名,太太應采兒就冇,不過咁,陳小春喺2012年,用2,916萬購入依家住緊嘅天賦海灣,寫埋老婆個名;去年陳小春已於逸瓏灣2期購入一個783萬單位,由應采兒持有。至於佢喺大埔康樂園持有多年嘅兩個單位,就已於舊年趁樓市熱高價沽出,賺近五百萬,多咗筆錢方便佢喺北京置業添。

依家嘅陳小春政協,喺大陸市場真係幾吃得開,去年有九成時間留喺大陸,拍咗四個劇三部戲。舊年兩公婆仲幫大陸深圳衛視拍強國版《極速前進》真人騷,咁就穩袋八百萬。兩公婆夾埋有過億物業喺手,唔知幾時回報祖國呢?

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載