› 選擇地區
三藩市
紐約
洛杉磯
其他美國地區
香港 台灣 北美
 
2015年09月16日

伍允龍暗撻劉佩玥
「約食飯唔代表玩家」

與鍾嘉欣拍拖8年的伍允龍,最近有傳因為Super Girls隊長Aka介入令戀情告吹,結束這段8年情。昨日有報道指回復單身的伍允龍,與2013年港姐季軍劉佩玥因為拍劇而撻着,報道中更指兩人於上周四出席完大台的生日會後,拉着同款的情侶篋打的走人,直駛返伍允龍位於長沙灣嘅寓所,他們先去樓下食麵共聚,伍允龍再送女方到的士站返回沙田的家。
事實上現年26歲的劉佩玥的緋聞亦多籮籮,除了被拍到獲賭王四房兒子何猷亨外賣意粉探班外,早前更被影到獲黃又南揸車接送兼談情咀嘴。

女方遷就開餐地點

昨日本報分別向兩人求證此事,劉佩玥直到截稿前未有回覆,而忙於拍劇的伍允龍,則透過經理人以WhatsApp回覆,他解釋報道所指的同款情侶篋,只是生日會上抽中的禮物,他更說:「我哋好好彩抽咗好多唔同嘅禮物,我哋之前約咗食飯,咁啱嗰晚阿Moon(劉佩玥洋名)唔使開工,而我夜晚要再返去拍劇,所以佢就一就我,喺我屋企樓下食個飯,跟住佢坐的士返屋企,我就返屋企擺低啲嘢再返去開工,情況就係咁樣!」
至於兩人的發展機會,以及被指為玩家一事,伍允龍則說:「我覺得無論男仔又好,女仔又好,一齊合作變咗朋友,一齊約食飯係好正常,同朋友食飯唔代表係玩家。 」
採訪:張曦彤

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載