蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年09月18日

怪舞甩嘴走音勁騎呢
FFx 900蚊拍MV 換40萬點擊

繼黃宏舜(娃娃舜)早前重出江湖唱《娃娃愛天下》掀起全城熱話,4人女子組合FFx一首製作費只900元、已派台十個月的歌曲《Sugar Baby》也忽然彈出,MV前晚如病毒般,入侵各大社交平台並迅速蔓延,截至昨晚點擊率已40萬,惟因FFx的騎呢舞姿和歌唱技巧,負評亦多達八千多個,FFx可謂一夜成名!

相關新聞:FFx $900拍騎呢MV經理人:冇偷呃拐騙

女子組合FFx出道近兩年,原本有六位組員,初時走肉感路線,每次出席活動都趷籮拗胸賣性感,其後有兩位因為舞技欠佳被飛,組合重新換血後變成四人,包括同樣21歲的楊澤怡(Shirley)、潘穎琳(Mizaki)、李詩詠(Ceci)及16歲的周葆諭(Christy),Shirley去年曾因被前男友潛入宿舍扯髮而報警。

抄襲少時學嘢

FFx這首《Sugar Baby》其實已經推出十個月,只是一直無人留意,萬料不到一個只在窄走廊、花900元製作拍攝的低成本MV,反而令她們忽然熱爆,至昨晚,點擊率已40萬,更有網民將MV變成「天線得得B」版,十分搞笑。對於MV在網上劣評如潮,指她們舞姿騎呢、甩嘴又走音,是樂壇一個巨大衝擊,FFx四位成員昨日接受本報記者電話訪問時均表示不介意,Shirley說:「有睇到粗口留言,覺得好多人只係自己想發洩,我哋係想畀fans睇MV,批評好唔好都會接受。」
Ceci同樣表示有看到網民以粗口留言,她說:「初初都有唔開心,但諗番又覺得大家都係想我哋進步。」問到被指是MK組合可有不快?Ceci說:「都係本土文化啫,我都收到好朋友短訊,話我上咗位,好紅,自己都覺得好驚訝。」Mizaki、Christy同樣表示不介意善意批評,但希望大家不要講粗口。對於被指抄襲韓團少女時代,Christy承認:「我哋一直都話有參考佢哋,都想學吓佢哋各方面嘅態度。」

相關新聞:崇拜天團:舞步抄少時《The Boys》

只付租器材費

FFx經理人Sam對於有人在網上爆料,指他只花了900元做MV製作,欺壓負責拍攝的年輕製作人,他在電話中說:「900蚊係租器材嘅錢,學生(指年輕製作人)冇收錢,唔想個學生搞手俾人誤會落格。」他又謂:「冇偷呃拐騙成份,拍攝人員當日好正常,冇強迫,唔明點解今日先有人爆料。」
採訪:小米

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載