› 選擇地區
三藩市
紐約
洛杉磯
其他美國地區
香港 台灣 北美
 
2015年10月04日

湊仔 開騷 谷戲
千嬅:好攰搞唔掂

千嬅昨在活動尾段,忽然見到媽咪抱住Torres出現,喜出望外。

楊千嬅昨日在銅鑼灣皇室堡為巡迴演唱會DVD舉行簽名會,丈夫丁子高大玩驚喜,在千嬅不知情下臨散場才同囝囝丁進諾(Torres)及千嬅媽媽現身支持。
昨日下午雖然掛起3號風球,仍吸引到過百fans冒雨到場,有在場fans表示看足千嬅7場演唱會,令她非常感動說:「多謝你助養我屋企。」之後她跟現場觀眾玩遊戲,考驗他們對自己歌詞熟悉程度,千嬅更從旁伴唱。一位忠實男粉絲玩完遊戲後話:「我𠵱家丁子高上身,好似玩遊戲節目咁,努力令千嬅攞獎。」之後代表粉絲送上心形紙牌給千嬅以示支持。

囝囝病千嬅謝晒

千嬅接受訪問時顯得非常疲倦,她解釋囝囝前晚發燒所以沒有睡好,她說:「佢(丁子高)要傾生意,個仔發燒我哋要同佢睇醫生,半夜唔舒服嚇死我,個仔一病我就謝晒,又驚今日打風冇醫生睇,睇完醫生後先趕嚟活動。」她表示稍後還要繼續巡迴演唱直至年底,同時又要為電影宣傳,她說:「做完我要休息一吓,真係好攰,搞唔掂。想趕聖誕收爐,可以陪吓囝囝。」
千嬅覺得丈夫為人積極正面,會感染身邊人特別是自己。她又大爆丁子高經常不厭其煩作出提點,因為丁子高覺得千嬅長期處於甩漏狀態,經常將「要食飯、唔好勉強湊仔返學、唔好着彎底涼鞋、去銅鑼灣同中環要扮靚啲,俾人影到會影響啲客」掛在口邊,不過千嬅笑言會選擇性收聽,但明白老公是出於愛心,但丁子高對囝囝很有父親威嚴。當簽名會結束後,丁子高卻跟外母及囝囝一齊現身,令千嬅喜出望外。
採訪:卓寶花
攝影:陳俊強

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載