› 選擇地區
三藩市
紐約
洛杉磯
其他美國地區
香港 台灣 北美
 
2015年10月06日

馮仁昭四圍超:風暴下Fiona困機艙
蘇民峰爆罵戰 - 馮仁昭

堪輿學家蘇民峰前日黃昏喺facebook貼文,狂呻前日原本搭港龍3點幾機離港,佢兩點幾check in後因為未知登機閘口,所以去貴賓候機室等,點知等到飛機飛走咗都唔知,質疑點解會冇廣播。唔少網民激烈留言話留意登機閘口同時間係乘客責任,蘇民峰反指網民無知,話對方或者未坐過港龍或者未入過lounge,結果辣㷫更多網民。
之後蘇民峰懷疑有航空公司職員踩場話:「明明係員工(指網民),做乜咁鬼鼠(祟)唧,而且我根本沒有開航空公司的名,根本不是要投訴誰。」點知有網民將佢之前嘅留言cap圖,證實佢講咗四次坐KA,即係港龍客機,叫佢唔好自打嘴巴。而蘇民峰隔咗10個鐘後再貼文,指人要接受批評,檢討對錯先有改善空間,之後就冇再回應網民留言。

容祖兒同受害

另外,容祖兒同薛凱琪前日喺馬來西亞返港,同樣受颱風影響延誤行程,本來前晚到港嘅薛凱琪(Fiona),仲搞到噚日下晝先返到嚟。佢喺Instagram又攰又餓咁留言:「總共在廣州飛機裏沒東西吃的情況下等了10個小時,終於起飛了。這是甚麼回事!等我回到香港的時候,紐約都能去了。」祖兒則延誤兩粒鐘,佢仲識講笑話好彩撞到盧海鵬。
撰文:馮仁昭

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載