› 選擇地區
三藩市
紐約
洛杉磯
其他美國地區
香港 台灣 北美
 
2015年10月10日

效力15年只做第4男主角
陳國邦公開信撇無綫

好演員又走一個,向來醉心演戲的陳國邦昨日突然在網上撰寫「給無綫電視的公開信」,透露決定離開合共工作了20年的無綫。身在台灣演出舞台劇《相約星期二》的陳國邦,於信中未有一句指摘大台之言,只透露感心灰:「在這15年間,只希望能用自己的能力換取賞識及當主角的機會,結果是讚賞得到不少,而機會卻越見越渺茫。」

阿邦在2012年台慶頒獎典禮中憑《大太監》「彭三順」一角入圍最佳男配角最後兩強,惜敗給同門師弟、「蘇基」古明華。現年47歲的阿邦在早前的《名門暗戰》中只做第4男主角,他直言不想看到自己的作品慢慢變作一潭死水,希望有改變,但未知去向,只說:「有我落腳的地方,我便會到那裏。」王喜、江美儀、王宗堯等留言祝福,阿邦昨日透過短訊回覆:「今晚喺台灣同老師(鍾景輝)為舞台劇首演,多謝關心,我會繼續做好我應該要做嘅嘢。」

羅敏莊:佢唔開心

陳國邦太太羅敏莊(Mimi)前年不與無綫續約,她昨日在電話中贊成老公決定說:「我都覺得佢唔係咁開心,咁不如唔好做,佢做舞台劇,可以教書或者其他嘢。」可覺老公懷才不遇?她說:「係身邊人話我聽,我不嬲係佢頭號fans,可能唔夠靚仔。」Mimi直言供樓負擔不算大。
樂易玲昨晚出席慈善晚宴回應陳國邦的公開信,她表示:「同佢傾咗合約,條款佢滿意仲答應咗,等佢10月尾喺加拿大做完舞台劇簽,唔知佢放假時思前想後,希望佢諗多咗。」記者表示阿邦想做主角,她讚對方好戲亦重視他:「佢角色一直器重,至於主角,要同製作部傾,唔係一個人話晒事,亦都要有角色啱佢,佢一向多舞台劇做,同佢合作形式係就佢時間做舞台劇。」
採訪:嵐山、譚倩宜

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載