蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年10月10日
馬上成為壹會員

【我主場】張智霖靚仔有罪

張智霖與佘詩曼相隔15年再合演,他自信不會再傳緋聞。攝影:周樂恒

靚仔是一種光環,男士們都希望被標籤。
張智霖(Chilam)集「高富帥」於一身,太太更是有「靚靚」之稱的袁詠儀,靚上加靚。不過作為一個演員,「靚」有時是一種煩惱,甚至是不幸。當年Chilam跟無綫花旦佘詩曼合作拍攝劇集而傳過緋聞,今趟再次合作,為免被翻炒二人的緋聞,Chilam自言拍攝時都會刻意避忌,免得被人有機可乘,都說美麗有罪。
撰文:溫敏芝

相關新聞:初哥哥手語無用

張智霖(Chilam)與佘詩曼15年前拍攝無綫劇集《十月初五的月光》傳出緋聞,近日導演葉念琛將劇集拍成電影,令「初哥哥」及「君好」重現大銀幕,原劇中的薛家燕、唐文龍及郭鋒等都有份參演,不過電影版是一個延續,而非重新拍攝。
Chilam日前在尖沙嘴接受本報專訪時坦言,一開始是拒演該片,因為他覺得很難延續這件事,但他再傾故事內容後,又覺得有延續空間,加上電影是公司的出品,又是老闆蕭定一的情意結,所以考慮很久後才接演。Chilam更覺得有時候不需要太過故步自封,應該放開懷抱。
當年Chilam和阿佘傳拍劇撻着,他指今次的焦點都落在女方身上,問他覺得15年前後的佘詩曼如何?Chilam說:「當年個劇係佢入行頭一、兩部劇,佢有好多嘢唔識,喺摸索階段,今時今日好有經驗,都有火花。」問他會否擔心再傳緋聞?他即說:「我諗傳媒唔會咁無聊,之前都傳過,我諗佢哋會用嶄新角度去再寫其他嘢。」不過,Chilam坦言拍攝時有刻意避忌,他說:「都會避忌,點解要無端端畀機會人做新聞,我覺得冇必要,點解要畀機會啲壞嘅人。」

再演初哥哥有壓力

至於Chilam本身,會怎樣看15年前的自己?他說:「咁多年之後成熟咗、老咗囉。」問到演技上有否成熟了?他笑說:「唔敢講,不過可以話好熟識呢個人物,大概會喺角色交集上有共鳴。」Chilam亦坦言,相隔15年再演同一個角色,當然有壓力,他說:「都有諗會係點樣反應,好想知道觀眾想有一個延續,定係有一個美好回憶?呢個比起平時更大挑戰性,對其他電影題材嚟講,做得唔好會有破壞性喺度,所以自己會盡量喺各方面幫手,將自己所認識嘅初哥哥講出嚟。」不過他沒有因為再演而翻煲舊作,因為故事已在其腦海。電影主要在澳門拍攝,拍了9個月,Chilam指雖然頻撲,但感覺很好,澳門的變化亦很大。

相關新聞:唔贊成囝囝入行

怕被標籤唔識做戲

一向被公認為靚仔的Chilam,就如吃了防腐劑一樣,他卻謙虛說:「我唔係keep得好好,好多人仲keep得好,可能我baby face啦,我其實最憎運動,我鍾意食嘢,瞓覺時間亦好少,我有時間反而鍾意去玩。」是否覺得主角一定要靚仔?他說:「唔係,其實係好大障礙,人係好喜歡去標籤人,我自己都會,一去標籤咗好型、好靚仔,就自然覺得佢唔會做戲,雖然未至於有啲角色演唔到,但標籤咗會有麻煩之處。
「不過,被標籤靚仔,好過唔靚仔啦,但都係唔好標籤啦,大家盡量relax去睇一場戲,唔係去品評一個電影以外的事,不過人就係咁。」在Chilam眼中,荷李活男星佐治古尼(George Clooney)及張國榮都是「靚」的佼佼者,從外到內都非常吸引。

張智霖
髮型:Vic Kwan of ii hair & nail
化妝:Hetty Kwong
服飾:I.T.

佘詩曼
髮型:Lorraine Lam @Hair Culture
化妝:Katherine Lo
服飾:TSUMORI CHISATO @I.T.、sergio rossi

場地:尖沙嘴隆堡麗景酒店AVA Restaurant Slash Bar

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載