› 選擇地區
三藩市
紐約
洛杉磯
其他美國地區
香港 台灣 北美
 
2015年10月13日

上位姐仔冇個奸得出樣
向海嵐被挖回巢救亡

【銅鑼灣】無綫花旦小生出現離巢潮,胡杏兒、陳茵媺、徐子珊、郭羨妮等先後約滿離去,無綫惟有改捧港姐。以前冠亞季軍都要先履行港姐責任,卸任後才有其他工作,但近年速戰速決,全部選完即開工拍劇,結果被觀眾狠批不懂演戲,包括最近被插爆的陳凱琳(Grace),指她表情浮誇、無層次無深度、超高音尖叫,連影帝黃秋生都忍不住批評,男友鄭嘉穎則形容她只是小學雞。

「睇吓邊度傾得啱」

據知,無綫亦知道靠新人硬撐並非上策,已正積極拉攏舊人回巢,更以中港兩地皆有知名度、半上岸,不會錢字行頭的藝人為目標,而現年41歲、1998年港姐冠軍向海嵐便是目標之一。知情者透露:「無綫最想𠱁到佢返去演奸角,因當年嘅《無頭東宮》同《胭脂水粉》都好受歡迎,而且𠵱家有合約嗰啲姐姐仔,冇乜邊個奸得出樣。」
向海嵐離開無綫7年,當年講明因覺得公司未能助她發展而離開,故有傳無綫今次為邀她回巢,出動了不同層面的人向她探口風,了解最近頻頻在港蒲頭的她,是否有意回港發展。
昨日《蘋果》致電向海嵐,問她是否被無綫邀請回巢救亡?她「吓」了一聲未有否認,但就笑說:「又唔好講到救亡咁嚴重,𠵱家我係自由身,都有同唔同嘅單位傾吓合作,自己都鍾意幕前演出。」會否返港定居?向海嵐表示:「其實我係多咗時間喺香港,一個月都有2、3個星期喺度,所以睇吓邊度傾得啱啦,會考慮條件同各方面因素,因為我都習慣喺上海生活,突然返嚟驚唔習慣,不過又想多啲時間陪父母。」
另外,前日向海嵐與一男一女友人在銅鑼灣利園Cova嘆下午茶,其間見她滔滔不絕發表偉論,兩友人只點頭和應,最後他們坐了30分鐘左右便埋單,向海嵐還好像十分趕時間,急急腳走人。
採訪:小米
攝影:徐錦池

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載