› 選擇地區
三藩市
紐約
洛杉磯
其他美國地區
香港 台灣 北美
 
2015年10月13日

入行40年開珍藏展
阿Lam 68歲生日 囡囡吻賀

林子祥(Lam)為慶祝入行40周年,將會有一連串慶祝活動,他昨日率先在九龍灣為「林子祥佐治地球四十年珍藏展」舉行揭幕禮,到明年1月再舉行演唱會。昨日適逢是阿Lam的68歲壽辰,除了獲兒子林德信(Alex)及劉天蘭、鄭國江、Soler等撐場外,連甚少露面的女兒林德㦤(April)及年邁的林媽媽亦罕有現身。眾人兩度為阿Lam獻上生日歌,囡囡更加吻賀爹哋,心情大靚的他即回報飛吻,還自幽一默:「我都唔知自己有咁多朋友。」不過他的太太葉蒨文(Sally)卻未有到場,阿Lam解釋晚上會和家人留在家中食飯慶祝,太太在家籌備無暇到場。

唔急做爺爺

已榮升外公的阿Lam,被問到生日願望是否希望再抱孫榮升爺爺?身旁的Alex聽到即尷尬面紅,阿Lam則說:「唔使咁急咁快,畀心機工作先。」至於和家人一起慶祝的生日飯會否有未來新抱松岡李那出席?阿Lam說:「唔知,佢好多朋友。」而他亦不忘為Alex宣傳新戲《死開啲啦》:「我覺得佢做得好好,我做過《一咬OK》,都係做殭屍。佢中文好勁,記到咁多中文台詞。」
而是次珍藏展的展品,有阿Lam多年前的演唱會門票、童年相、旅行篋、親筆演唱會流程,及曾為佛像袈裟設計的迷宮圖案等,非常珍貴。其中一件展品是阿Lam為義賣設計的大熊貓像,他說:「咁多件展品最鍾意熊貓,因為籌款,最難係幫佢搵衫,要搵肥佬大碼衫。」
採訪:王連連
攝影:陳慧安

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載