› 選擇地區
三藩市
紐約
洛杉磯
其他美國地區
香港 台灣 北美
 
2015年10月13日

被邵音音叫除衫怒打
郭奕芯壓力爆煲喪喊

由彭浩翔監製、陸以心首次執導的作品《同班同學》,好消息浪接浪,日前東京國際電影節公布,《同》開售後被火速秒殺,兩場首映及特別放映近四百門票火速售罄,而三位女主角郭奕芯﹑廖子妤及麥芷誼聞訊後感到高興;

至於香港方面,電影公司亦特別安排一場全女班優先場,亦係滿座,彭監製﹑陸導演及三位女主角都出席謝票,唔少女戲迷都讚該新戲,又話會有共鳴。

此外,電影公司發布優先場獲好評其中一場劇照,場景為郭奕芯被婆婆邵音音「藤條炆豬肉」,劇情講述飾演婆婆嘅音音姐,懷疑孫女郭奕芯學壞紋身,喝令孫女除衫畀佢檢查。

劇照中被冤枉嘅郭奕芯無辜被狠打,不停喪喊,音音姐表示:「我係真打佢㗎!咁樣就拍到最真實嘅感覺畀觀眾!郭奕芯好有潛質!」壓力爆煲嘅郭奕芯cut機更一度未能抽離,於片場喪喊十分鐘,佢話:「呢場係我個角色林婉靜好重要嘅一場戲,拍攝之前超級緊張!完成到呢場戲覺得自己好叻叻豬!」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載