› 選擇地區
三藩市
紐約
洛杉磯
其他美國地區
香港 台灣 北美
 
2015年10月14日

「佢都兩個老公,我要檢討吓」
吳綺莉爆女住持安排富豪飯局

大埔馬窩村定慧寺近日爆出女住持智定法師疑假結婚及寺廟賬目混亂等醜聞,原來智定法師曾假借工作名義介紹「老細」給吳綺莉認識。昨日有報道指智定半年前在餐廳遇上吳綺莉並主動自我介紹認識,之後對方頻頻表示要介紹做床單生意的內地富商陳老闆給吳綺莉,智定又表示要送床單、皮鞋和紅酒給她,但被吳綺莉拒絕。

「個心覺得怪怪哋」

昨日吳綺莉在灣仔dbc數碼電台做節目,講到智定安排富豪飯局時她說:「係呀!Mary(翁靜晶)生日個法師都喺度,佢介紹同枱善信畀我識,其中一個係做床單生意嘅男士(陳老闆),話搵我做代言或者設計床單。」之後吳綺莉跟智定、陳老闆等人食晏,發現陳老闆全程問彼此「夾唔夾」等與工作無關的問題。
吳綺莉說:「自己個心已經覺得怪怪哋,個男人話不如聽日又食飯,又話自己好內斂,我心諗關我乜嘢事啫!自己就走咗去。之後個男人有WeChat我,但我冇理。後來個女法師又發咗啲短片畀我,話個男人想約我食飯,仲話個男人同我『同命相憐』!」
對於智定曾嫁兩和尚,吳綺莉笑謂:「佢都兩個老公,我同Mary都要檢討吓!」她又指幸好跟對方不是朋友,並希望借今次事件告訴大家不要騙取人家的同情心。
翁靜晶昨於灣仔舉行記者會時,指吳綺莉曾表示智定有問題,但自己未有理會,翁說:「嗰段時間我唔理佢,係因為我要幫佢處理個女嘅問題,覺得佢神經緊張,佢講畀我聽乜嘢,我都認定佢係多餘,呢樣嘢我係對佢唔住。後尾我發現唔對路,我問Elaine(吳綺莉)覺唔覺得個師傅有啲問題,佢話:『我早已經同你講㗎啦!』跟住畀啲片我睇,先知原來我真係應該好好聽佢講。」
採訪:黃曉妍、溫敏芝
攝影:陳順禎

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載