› 選擇地區
三藩市
紐約
洛杉磯
其他美國地區
香港 台灣 北美
 
2015年10月16日

Baby檢測有漏洞
港醫:新整容術照唔到

【鑑證Baby之難分真假】楊穎(Angelababy)昨日獲中國醫學科學院整形外科醫院的副院長祁佐良醫生證實,並沒有做過任何整形手術,只是矯正過牙齒。本報昨日電話訪問了英國倫敦大學臨床皮膚學文憑醫生江正本關於「整容」定義,他表示從醫學角度整容包括開刀及放假體(塑料):「整容呢個字,喺醫學繙譯係plastic surgery,即係矯形、整形外科科目,即係用手術開刀、放假體,普遍嚟講整容係指外科侵入性、放假體、切割方法。」

相關新聞:【醫院起底】鑑證醫生遭鬧爆

「軟骨未必摸到」

對於時下打botox針,江醫生稱很難定是否整容,因為在本港任何醫生都可以做,而且亦未必可以看出來,他說:「啱啱打完,好似透明質酸,喺X光係睇到,長遠嚟講如一、兩年以上,身體吸收咗,就未必睇到。」但實體的整容可以靠X光或者用手都可以分辨,他說:「如果加入咗假體,如鼻同下巴,一照X光同摸都摸到,同身體組織軟硬度唔同,一摸就摸到。最新有啲軟骨方法,未必會摸到,就算喺X光都有機會照唔到。」他解釋因為軟骨來自自身組織,所以不算假體,未必檢查到。對於祁佐良醫生指,Baby因箍牙令臉形有大幅改變,但不屬整形範疇,江醫生就指:「牙骨只會影響虎紋,嘴嘅凹凸程度。」
而醫學會會長、皮膚專科的史泰祖醫生則說:「唔會評論個別個案,不過好簡單做手術有疤痕你咪睇到,好似有啲注射嘅透明質酸同填充劑,份量唔多照X光都未必睇到。如果唔係表皮而喺入面切割又係冇疤痕,都係睇唔到嘅。」
採訪:唐如

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載