› 選擇地區
三藩市
紐約
洛杉磯
其他美國地區
香港 台灣 北美
 
2015年10月16日

【馮仁昭四圍超】昆凌貼女相
小周周晒睫毛

昆凌前日貼出同Jay嘅愛女相,長長睫毛明顯遺傳咗媽咪嘅特質。

周杰倫(Jay)同昆凌嘅愛情結晶品小周周今年7月出世,不過兩公婆一直都好保護囡囡,每次上載囡囡新相都唔會有正面,好似前幾日昆凌上載嘅一張企喺床邊同囡囡玩嘅相,都只係見到囡囡腳仔,相入面昆凌攞住一對羽毛天使翼,然後話囡囡每次見到都笑得好開心:「長大也想去看超模天使姐姐們走秀嗎?」

準備百日禮

不過,前日昆凌終於將小周周半塊臉公開喇,張相仲可以見到瞓緊覺嘅小周周,眼睫毛好長好長,似足媽咪。昆凌仲喺張相幫囡囡加咗個后冠,同埋寫咗封信畀囡囡:「Dear Hathaway ,妳快滿100天囉!爸比媽咪很開心的看妳一天一天長大。謝謝妳來讓我們的生命多一份情感多一份責任,希望未來的妳有很好的人生觀,可以很正面的迎接各種生命給妳的考題 ,勇敢的做出妳每一個決定。」昆凌仲多謝朋友呢幾個月嚟嘅禮物,嚟緊就調轉到佢派番百日禮畀朋友。

之前Jay曾經話囡囡越來越似佢,但睇呢張相,囡囡似乎變咗樣,𠵱家似媽咪多啲喎,唔知Jay會唔會放心啲呢!
撰文:馮仁昭

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載