› 選擇地區
三藩市
紐約
洛杉磯
其他美國地區
香港 台灣 北美
 
2015年10月16日

【大讚Baby天生麗質】
鄭明明:以我肉眼睇,佢冇整容

Angelababy「驗臉」引來網民關注,究竟間醫院,個醫生信唔信得過?本報設嘅投票,截至夜晚9點半,有40%讀者話睇完報告都唔會信,咁專家又點睇呢?

從事美容行業50年嘅鄭明明昨日接受《蘋果》訪問,佢話自己憑經驗,用肉眼已可以分辦一個人有冇整容:「整鼻整下巴最普遍,雙眼皮都會肉眼睇到,如果要摸,同臉部其他肌肉質地唔同。」

明明姐表示有留意Angelababy鑑證新聞,佢大讚Baby係天生麗質:「以我肉眼睇,佢冇整容,我有留意媒體拎返佢咁多年相出嚟比較,我覺得佢係越大越靚女,女大18變,箍牙唔係整容,人紅咗,眼有光彩,行緊運,樣樣都會靚啲,現在好多女仔都識化妝。」

提到Baby曾箍牙,會否影響儀容,明明姐表示;「口係唔可以整,咀要日日講野,我做美容,會同好多整容界醫生交流傾偈,同埋有出席過韓國整容活動,嘴係做唔到。」

對於整容定義,明明姐同唔少醫學美容醫生觀點相同:「係美容界,我哋都覺得開刀,麻醉做手術先係整容,用針打botox好普遍,都唔覺得係整容,我哋美容師唔做得,係醫生先做得。」

明明姐就話未聽過國內鑑證呢樣檢查:「未聽過,都係第一次聽,呢方面唔作評論。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載