› 選擇地區
三藩市
紐約
洛杉磯
其他美國地區
香港 台灣 北美
 
2015年10月27日

迷雲黨隔空慰問
志雲搵王喜開餐解憂

無綫前電視廣播業務總經理陳志雲,被指串同助手叢培崑串謀使代理人接受利益,兩人在2011年經審訊後脫罪,律政司第二度提上訴後,上訴庭昨頒下判詞,指原審法官稱陳志雲有合理辯解是無事實或法律基礎,下令原審法官裁定陳志雲及叢培崑罪成,並對兩人進行判刑,案件押後至下月13日於區域法院提訊。志雲昨午12時45分與王喜等人離開高院後,步行到金鐘萬豪酒店的中菜廳午膳,逗留約一小時後由秘道離開,成功避開傳媒追訪。

鄧健泓:佢係好人

「迷雲黨」成員鄧健泓昨表示有發短訊給志雲,問是否安慰對方時,鄧健泓說:「冇乜特別,叫佢一聲大哥,佢叫我放心。我只可以講,我絕對相信佢係一個好人。」志雲現時有沒有經濟壓力?鄧健泓說:「我真係唔知。」鄧健泓跟無綫合約明年3月約滿,他亦決定不再續約。對於之前因拒拍無綫新劇而被要求延長合約,鄧健泓笑說:「𠵱家唔使啦,因為我已經跑咗好多個內地演出,fulfill晒合約嘅嘢。」
至於前無綫藝員寧進曾是陳志雲愛將,現職中原地產分區經理,對於志雲罪成,寧進說:「法律我唔係好熟,我唔知係咪仲可以上訴,唔想煩住佢。」昨日可有發短訊安慰志雲?寧進說:「有!幫佢禱告,𠵱家都唔知講乜好,你話希望佢冇事,但𠵱家判咗佢有事,所以我都唔知點講好。」日前寧進與志雲睇尖沙嘴睇示範單位,莫非志雲想買樓?寧進說:「佢對尖沙嘴好有情意結,所以去望吓,冇話買唔買。」志雲經濟方面可有壓力?寧進表示:「我真係唔知,我從來冇聽佢講,但如果佢有需要,相信大把人幫佢,我唔係搵得多錢,佢開到聲我都幫啦。」
此外,胡楓昨對志雲被判罪成一事,慨嘆說:「冇罪忽然又搞到有,會託人慰問佢。」
採訪:魯吉、黃曉妍、馬建華
攝影:葉君海、潘冠恩

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載