› 選擇地區
三藩市
紐約
洛杉磯
其他美國地區
香港 台灣 北美
 
2015年10月27日

舉家嘆潮菜慶祝
Suki搬4千呎大屋留床仔添丁

徐淑敏(Suki)和老公黃浩(Kenny)前晚又全家出動過family day,他們到了上環尚興嘆潮州菜,同時慶祝Kenny胞姐Jenny牛一,他們醫飽肚後,Kenny抱住1歲多幼女Isabella離開,全家分坐3部座駕返家。
Suki和Kenny婚後密密生,家中人口急升,一家之主Kenny去年用了2,800萬買入大埔比華利山獨立屋,全屋面積約4,000呎,還豪花1,000萬重新裝修,預計12月入伙。曾修讀設計的Suki當然有為新居提出意見,她昨日在電話訪問中說:「裝修好多時會出現意見分歧,所以我哋將屋企劃分咗唔同區域,各自負責,老公(黃浩)鍾意煮嘢食,佢設計廚房同花園,我就客廳、囡囡房同主人房。」

心急入伙

看到新居設計甚有酒店風格,Suki坦承:「我同老公都鍾意住世界各地唔同酒店。」3女房間以Hello Kitty做主題,並有4張床,莫非Suki暗示再生?她說:「『吉床』放住雜物先,如果老公唔喺屋企咪我過去瞓囉。」Suki若然第四胎追仔成功,房間豈非要改動,她尷尬回應:「顏色可以隨時改啫。」對於新居裝修費過千萬,Suki說:「實際幾錢我唔知,不過裝修嘅嘢,成日會加多啲。」新居屋契有Suki名字嗎?Suki迴避話:「唔好講呢啲。」Kenny期待搬入新居,他說:「間屋搞咗成年,我都好心急。」
採訪、攝影:吳耀輝、黃曉程、楊定

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載