蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年10月29日

鄧特希新劇開拍
啟華渡邊直美特工諜戰

重磅渡邊狂跑追問啟華,不消一會便不停流汗。

金牌監製鄧特希近日起用劇集《壹號皇庭》及《妙手仁心》班底,力邀吳啟華、陶大宇、宣萱和蘇永康拍攝日本和馬來西亞投資的新劇《隱世者們》,並請來日本當紅重磅搞笑女星渡邊直美參與演出。日前啟華和渡邊在尖沙嘴The One的空中花園首日開工,劇中啟華飾演特工,渡邊飾演間諜,雖然劇集有槍戰及動作場面,但當日主要拍攝啟華與渡邊相遇追逐。由於渡邊體重200多磅,所以當日只跑了10幾步她已不停流汗。不過,二人首日開工表現專業,每個場口只拍攝幾次便順利完成。
啟華近日為新劇要不停喼弗、練紮馬和坐馬。問啟華與渡邊會否有親熱戲時,啟華笑說:「一定冇親熱戲,因為大家只係工作拍檔,但具體劇本係點仲未知道,因為都係鄧生作風,飛住紙仔拍攝。」

請假陪女過聖誕

啟華表示聖誕請假陪伴囡囡吳熙兒,因忙於工作已有數月沒見愛女,僅能靠視像維繫。問啟華與前妻石洋子是否已正式簽紙離婚?他說:「已經分開多年,大家係好朋友,我都一樣照顧佢,間中會一齊帶個女去玩,至於係咪真係要分清楚,我冇乜所謂,又唔係要同第二個一齊,𠵱家關係好似親人咁,自己唔會諗感情事,100%唔會再婚,遇到啱可以一齊。」
渡邊表示對啟華之前並不認識,只聽過他是香港出名演員。問她會否喜歡啟華這類型男士時,渡邊笑說:「我諗對方應該對我冇興趣。」
採訪:卓寶花
攝影:陳俊強

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載