› 選擇地區
三藩市
紐約
洛杉磯
其他美國地區
香港 台灣 北美
 
2015年10月29日

【毒男慎入】女校男生不是夢
王宗堯點忍校服誘惑?

無論幾多歲嘅男人,都一定幻想過俾成班女同學包圍,做一年、一個學期、或者只係一日女校男生都好吖!今日就帶男神王宗堯去《同班同學》虛擬實境學校,見識新晉女演員廖子妤(Fish)、郭奕芯( Ashina)同麥芷誼(Koyi),點樣用盡所有方法吸引男同學王宗堯注意!

王宗堯就好老實咁講雖然以前讀男校,但都會幻想過成間女校,得自己一個男仔會點,「你知Twins之前有首歌叫《女校男生》,同埋會好期待啲聯校晚會 ,但之後就會發覺應該唔係嗰回事。」另外,戲中三個女仔因為一個男同學搞到有心病,廖子妤仲好主動色誘對方,Fish就話現實嘅自己唔識做主動:「我真人比較怕醜,反而會專登唔理佢,因為我驚我講多錯多呀!」麥芷誼就啱啱相反,用溫柔攻陷對方,「如果佢唔舒服,我一定會主動買藥買水照顧佢。」

而Ashina就喺套戲入面同王宗堯有全裸情慾戲,佢話拍戲時冇尷尬,但當日要用零食討好王宗堯,Ashina竟然紅都面埋,怕醜到唔敢直望對方!

tag:_LIVE_actionfun直播,_LIVE_actionfunNGA

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載