› 選擇地區
三藩市
紐約
洛杉磯
其他美國地區
香港 台灣 北美
 
2015年11月06日

有話兒:李蕙敏、林曉培、丁悅
女人心事

(左起)李蕙敏、林曉培和丁悅合唱《女人本能》,互訴女人心底話。攝影:陳順禎

李蕙敏(Amanda)、林曉培(Shino)、丁悅,看似是風馬牛不相及的三個女人,來自不同年代、演繹不同曲風。然而,三個女人一個墟,即使是不同背景、不同經歷,卻總存在着只有女人才懂的心事,下月27日,她們相約於會展舉行演唱會,以歌曲穿插互訴心聲。
撰文:盧妹

近年有不少單獨發展的男、女歌手合體舉行演唱會,交換唱別人的歌,對於觀眾或是歌手本身都饒有新鮮趣味,李蕙敏、林曉培和丁悅的組合,更是令人意想不到。早前她們在黃埔接受本報專訪,問到「女人謎演唱會」的促成,Amanda表示一切都是緣份:「之前丁悅翻唱我首《你沒有好結果》,我就去支持佢個音樂會,就係咁認識咗Big Echo嘅老闆,傾傾吓發現大家對未來計劃都幾一致,當中已經講到有呢個演唱會,幾得意呀,於是就簽埋畀佢哋。」

Shino挑戰廣東話

Shino向來與Big Echo有合作計劃,知道是次能與Amanda合作亦覺得很吸引:「我很欣賞丁悅的聲音,而且能跟前輩合作,很開心。但是丁小姐為我們演唱會寫的曲子,很有挑戰性,原本我的部份有國語版本,但感覺很不和諧,所以我要唱粵語,但對粵語歌,我是又愛又恨的,連講廣東話我都會緊張,何況是唱。」丁悅為演唱會創作主題曲《女人本能》,她表示寫歌的時候很緊張:「我寫歌,一定會自己填埋詞,唔想啦啦啦咁唱咗。」Amanda接着說:「呢首歌有種想法,講女仔,無論乜背景,對於感情都有自己嘅難處,歌入面我哋互訴心聲,又會鼓勵對方,喺生活會接觸到嘅事,錄嗰陣已經好有feel。」

爭取時間girls talk

而對兩位前輩,丁悅自嘲:「可能佢哋覺得呢個樂壇新人撞咗邪!第一次真正見面係影海報,我有刻意乖少少,後來發現佢哋冇乜老師、前輩嘅架子,仲可以一齊玩。」Shino即笑指看得出她是在扮乖,丁悅說:「我𠵱家直頭係瘋癲狀態,不過佢哋話情緒化先好。我哋係三個直率開心嘅女仔,有得癲吓,人都開心啲。」但她們一致認為不夠時間girls talk,暫時只在工作時間了解對方,要爭取更多時間傾心事。
至於演唱會的細節,她們表示還在討論中,因為很多東西想試,Shino說:「我哋每人揀咗10首喜歡嘅歌,畀大家一齊揀,最多like我哋就會唱,有《野孩子》、《容易受傷的女人》、《浮誇》、《遙遠的她》等等。」
場地:Harbour Grand Kowloon
化妝:Kenneth Wong(李蕙敏)、Rebecca Yum(丁悅)
髮型:Philip Lee of LA BIOSTHETIQUE(李蕙敏)、Michael of ihair(林曉培)、Daniel Low of Mammals(丁悅)
服裝:Ground Zero(李蕙敏)、EC4U(丁悅)

K房只唱對的歌

三個女人,果然有說不完的話題,專訪期間林曉培突然提到每個歌手都會遇到的雞肋問題:「你們會在卡拉OK唱自己的歌嗎?」李蕙敏大呼怕怕:「我好怕㗎,唔鍾意喺卡拉OK唱,唱得多喺台上唱會冇咗嗰種感覺。」充滿稚氣的新人丁悅卻剛剛相反,她說:「一定會唱自己嘅歌,因為我啱啱先有自己嘅歌,喺卡拉OK見到真係超興奮。」林曉培笑謂自己都會在卡拉OK唱自己的歌,又自爆第一次在電台聽到自己的歌的反應:「我坐在車上,立即叫司機靠邊停,然後我忍不住尖叫,因為太興奮,哈。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載