› 選擇地區
三藩市
紐約
洛杉磯
其他美國地區
香港 台灣 北美
 
2015年11月12日

咁啱又叫Grace 仲要係人妻
林雅詩討伐豬扒小三

現年37歲的性感女星林雅詩(Grace)於05年與拍拖三年的溫文英奉子成婚,育有一子。不過林雅詩最近復出娛樂圈,並推出性感寫真,昨日有周刊爆料指溫文英出動「綿羊仔」接載「扒版姜麗文」去廟街大牌檔食飯。飯後兩人燃起慾火,溫文英送女方返將軍澳屋企,當街攬啜打茄輪,擺明背妻偷食。

貼相尋人

林雅詩昨日在fb貼相貼文欲找出疑似第三者,她寫着:「我要搵嘅人是佢,大家認識的請告訴我,佢搶我老公唔緊要,唔好再騷擾我同我小朋友。」昨日有讀者爆料指「扒版姜麗文」英文名巧合地與林雅詩一樣叫Grace,在Grace的fb發現原來她已婚兼育有一個小朋友,不時在網上大晒一家三口合照,但被爆疑做第三者後,Grace的賬戶即刪掉。而林雅詩當然好嬲,她接受周刊訪問時爆喊謂:「估唔到老公搵件咁嘅嘢!我之前嘗試過挽回,但我相信今次很難囉。」決絕離婚的林雅詩昨日在電話中說:「多謝大家關心,我都需要時間去消化同了解件事,希望大家畀啲空間我去處理。」
林雅詩雖然家住千萬獨立屋,但原來只是表面風光,她多次被發現𠝹手。有指林雅詩與老公已分房瞓五年,溫文英更會放動物屍體和請泰國佛牌回家,除替兒子交學費外,每月只會給五千元家用,其後林雅詩發脾氣才加至一萬元。有指溫文英疑擔心被分身家,所以一直保持夫妻之名,林雅詩昨日在fb狂呻:「當大家覺得我犯賤,老公有錢又錫我,點解仲要返出嚟拍寫真?有啲人仲話我攞我老公博宣傳,我老公好慘。現在真相大白,我忍咗咁內(耐)。」
採訪:唐琛悠

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載