› 選擇地區
三藩市
紐約
洛杉磯
其他美國地區
香港 台灣 北美
 
2015年11月23日

台上鏟頭手起刀落
盧凱彤移居台灣重生

盧凱彤(Ellen)兩年前患上躁鬱症,走出陰霾的她為了慶賀重生,前晚在九展舉行一場「ROCKMUI 29 Live in HK」演唱會,其間播放《Excite Music》時台上降落一面鏡子,Ellen突然跪下,手上拿起一把電剃刀,在鏡前為自己剃頭。大病痊癒的Ellen完騷後透露明年1月會移居台灣,遠離煩囂。

節奏慢較適合

Ellen在粉絲和好友林二汶 、林一峰、黃耀明和何韻詩等見證下「剃頭」,她摸一摸頭說道:「呢個騷前半段代表黑暗同枷鎖,後半段代表光明重生,自己呢兩年經過好多高低起跌,兩年前27歲,我寫咗一首遺作畀自己,諗番起自己好儍,我𠵱家好知足,發現自己好多嘢未做,我要帶住結他拯救地球,好多謝大家陪我經歷,分享我呢個喜悅,人生得兩個選擇,一係愛,一係恐懼,我好開心完成恐懼部份,大家可以同我經歷愛。」隨後Ellen就唱出患上躁鬱症時寫給自己的遺作《Twenty-Seven》和新歌《29歲的遺書》。

完騷後,Ellen被問到在台上剃頭一事,她說:「一個女rocker點都要剃一次,之前在乎人哋嘅眼光,啲人會覺得你好怪,尤其喺香港做女artist,躁鬱症痊癒之後,其實我就唔係好在乎別人嘅眼光,生命先係最重要。」

Ellen表示因為患病已三年沒有出碟,往後要努力做音樂,還要忙着搬家,她說:「嚟緊會多啲時間喺台灣住,一半時間台灣一半時間香港,已經喺嗰邊租咗屋,1月正式過台灣住。」被問到是否計劃在台灣買樓,她說:「因為香港層樓仲供緊,台灣節奏慢啲適合我,暫定去台灣住一、兩年。」另外,提到好友林嘉欣在金馬獎封后,成為金馬獎大滿貫,她拍手嚷着要嘉欣請吃飯。
採訪:盧妹
攝影:陳俊強

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載