› 選擇地區
三藩市
紐約
洛杉磯
其他美國地區
香港 台灣 北美
 
2015年11月24日

巡唱尾站票癲價出事?
G.E.M.減價吸客

G.E.M.(鄧紫棋)嘅73場「X.X.X. Live世界巡迴演唱會」喺前晚落幕,尾站倫敦騷VIP門票癲價港元$7,814,貴過麥當娜,不過之前傳出倫敦騷門票滯銷,原來網上更出現減價招徠,門票低至19英鎊促銷!雖然門票要減價吸引觀眾,但似乎冇影響G.E.M.嘅演出心情,佢喺完騷之後,仲喺微博貼相抒發心情。

G.E.M.貼咗自己喺台上噴淚嘅黑白相,留言:「不敢相信73場的X.X.X. Live世界巡迴演唱會真的結束了!這兩年多我的生活有好多變化,我也成長很多。如果沒有你們、沒有身邊的工作人員、沒有家人朋友,一切都不可能成真。真的很感恩擁有這些愛、支持。結束意味著另一個開始,很快你們將會看到更成熟、更棒的我!我一定會為你們再唱500年、再好500倍!」

其實今次G.E.M.嘅巡唱都有唔少是非,之前佢喺新澤西州開騷,因為喺台上狂嗌紐約就畀觀眾嘘,之後佢到芝加哥站演出,竟然喺台上當眾PK,當時着6吋高踭長靴嘅G.E.M.喺台上邊行邊唱,點知失平衡好似撻生魚咁,成個人仆喺台上,有網友將佢摔倒嘅短片貼微博,G.E.M.留言自嘲:「我就是因為台上摔了才不怕學溜冰會摔...哈哈哈!」其實G.E.M.上個月喺內地出席發佈會時,都試過高踭鞋太高喺台上PK跌低,估唔到事隔一個月咁快又案件重演,睇嚟佢要好好學吓着高踭鞋點行路!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載