蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年12月05日

孭起《導火》電影版
達哥積怨成魔

達哥前日為《導火新聞線》電影版開工,首場戲便要扮絕食。

現年63歲的吳孟達,去年因為心臟衰竭而減產,但調理身體多時的他,近日卻連接《神行太保》及《導火新聞線》兩部電影,其中與男神王宗堯、周家怡及楊淇合作的《導火》電影版中,達哥本是一個善良小市民,但因愛女慘被姦殺而展開一連串報仇行動,變成炸彈狂徒。達哥前日首日開工,便於中環拍攝街頭絕食場面,跟飾演記者的王宗堯相遇。

輕鬆連拍兩部戲

記者昨致電達哥,問連拍兩部電影可擔心身體負荷不來?達哥笑說:「兩部戲一早傾好咗,咁啱叠埋一齊箒。其實兩部戲都係拍7組,一個月內拍晒,好似噚日咁,拍幾個鐘好快收工,加上天氣唔熱,所以絕對應付得嚟。我個古仔串通成部戲,因為我個女俾一位社會好有名人士姦殺,得唔到公平裁決,所以我用盡一切方法表達我嘅不滿同訴求。」
戲中達哥做炸彈狂徒,可要拍爆破戲?達哥說:「唔使,我只係挾持人,最多都係打人一巴箒。」以報館做骨幹的《導火》,還會提及紙媒沒落,報館要以即時新聞行先搶點擊率!至於有份拍電視版的梁小冰,據聞因舞台劇撞期而未能參與演出。
採訪:魯吉

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載