› 選擇地區
三藩市
紐約
洛杉磯
其他美國地區
香港 台灣 北美
 
2015年12月07日

【馮仁昭四圍超】
警訊之花Heily 當街爆粗鬧交

有「警訊之花」稱號嘅Heily(馬溱禧)拍《警訊》低胸彈出之後,轉頭就俾涉偷手機嘅𡃁模CoCo(袁晴晴)話佢係𡃁模界嘅賣淫agent,咁Heily梗係否認喇!噚日網上又流出兩條Heily同人嘈交嘅爆粗片,Heily喺片入面話:「我都未x癲啦,你發乜x嘢癲啫?」成班女人你一言我一語,Heily亦不停爆粗回應:「𠵱家係咪你講x晒呀?講嘢唔x得呀?你講嘢就得,我講嘢就唔得。」來來回回的粗口,都係因為一句八婆。

俾人鬧八婆

馮仁昭打電話搵過Heily,佢直認爆粗嗰個係自己,仲話事發喺一星期前,地點喺北角一間酒吧:「我嗰晚做一個小型選美比賽嘅司儀,嗰班女仔有份參加,場內已經出言侮辱我,話我係八婆,又問點解品牌搵個咁cheap嘅人做MC。講呢啲我都冇理佢。之後我離開同幾個女仔飲酒,佢又再鬧我八婆我都扮聽唔到,直至佢話埋我朋友同我司機,講啲說話離間我同個女仔朋友,話我朋友跟住我做乜嘢呀?我先反咬番佢!」但係到最尾Heily又同金髮女友人嘈起上嚟,佢話:「佢做過乜心知肚明,我哋暫時冇聯絡。」
撰文:馮仁昭

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載