蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年12月07日
馬上成為壹會員

賽車奪亞 老闆借辣跑任揸
師兄收130萬蓮花

【試新車】
師兄大前日到車行揀車,睇中這部130萬的開篷跑車。

【灣仔】劉浩龍(師兄)和容祖兒拍拖3年,感情一直穩定,事關師兄經常為女友製造驚喜,祖兒早前才說:「如果冇驚喜,點維持到𠵱家?」看來祖兒很快又有驚喜收。
大前日(4日)記者在灣仔告士打道蓮花showroom外,直擊師兄試揸一架新款價值130萬的粉藍色開篷跑車。師兄和車行職員討論一番後,再入showroom試另一架銀色跑車,最後他重新行出舖外,站在粉藍色跑車側邊仔細檢查一番,看似已揀啱心水。經過車行職員一輪講解,師兄很快就摸熟跑車性能,隨即與職員在附近試車。

「兩隻手捉實軚盤」

師兄上個月在澳門參加蓮花盃比賽,雖然最後輸給方力申屈居亞軍,但據知由於蓮花老細和師兄啱嘴形,所以決定送一架跑車給他代步。事後師兄向《蘋果》記者表示,現時和蓮花傾下年的合作,自己更會揸此車一段時間,但遲些便會交還。問到跑車匹數、馬力大,祖兒會否不敢坐,師兄表示:「邊個朋友想坐我都會畀佢坐,總之我會安全駕駛。」問他會唔會捉實祖兒手揸車。佢就笑笑口表示:「要安全駕駛嘛!唔會令到自己分心,所以最緊要兩隻手捉實個軚盤。」

此外,昨日新城公佈「新城勁爆男歌手」最後八強,有份入圍的劉浩龍,對於女友賣甩他與家人和朋友外遊,他坦言:「係呀!佢飛咗啦,成班女仔去玩得開心啲,聖誕禮物我都未買,仲準備緊!」至於同場的吳若希,就憑《眼淚的秘密》奪得「新城勁爆播放指數大獎(歌曲)」。
採訪:王梓嫚、馬建華
攝影:吳耀輝、朱志聰、陳俊強

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載