› 選擇地區
三藩市
紐約
洛杉磯
其他美國地區
香港 台灣 北美
 
2015年12月11日

3000件遺物被拍賣
阿梅新秀獎座底價$1000

已故巨星梅艷芳逝世12年,繼前年遺物在中環被拍賣,總成交價達531萬後,昨日由遺產管理人匯豐信託主辦的「LAST BUT NOT LEAST--最後芳華」網上拍賣會,合共拍賣約3,000件梅姐生前遺物,包括新秀冠軍獎座、84年憑電影《緣份》獲第四屆香港電影金像獎最佳女配角獎座,統統以底價一千元拍賣。其他還有服飾、梳化、鞋履、人造珠寶、唱片、剪報、餐具和毛公仔等。

梅媽:衫都唔畀番我

這個聲稱是梅姐遺物最大型、亦是最後一次的拍賣會,由昨日6時開始至本月22日6時結束,拍賣品琳瑯滿目,竟然連梅姐生前的貼身物品都被拍賣,包括吊帶睡衣十件底價100元,連胸圍底褲都只是底價500元拍賣,甚至連未着過的絲襪底價亦只是十對200元,至於最貴的拍賣品,竟然是Jil Sander手袋,以底價1萬元拍賣。
事後梅媽接受電話訪問,她坦言不知道阿梅遺物又被拍賣:「仲有嘢走去拍賣吖,衫同獎項一個都唔畀番我,幾賤格!」對於阿梅的遺物再被拍賣,梅媽被問心情是否很難過?梅媽說:「你哋話囉,咁多獎座一個都唔畀我,咁多衫一件都冇畀番我,要求乜嘢都冇畀我!壽山村賣咗一億幾,𠵱家剩番六、七千萬咋,我得三萬蚊一個月,佢蝦我囉,我要佢畀番錢我。」再問拍賣所得撥入基金?她說:「唔知,佢都冇同我講有拍賣,點會入吖,最近賣埋快活閣,夾埋先有六千幾萬。」梅媽直言一個月三萬蚊並不夠用,她說:「我要出糧畀人哋,仲有燈油火蠟。」至於兒子啟明有否照顧?梅媽則說:「佢唔使問我已經好,之前佢屙血,割咗腸瘤做化驗,佢冇覆診唔想知係良性定惡性。」
採訪:皓騫

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載