› 選擇地區
三藩市
紐約
洛杉磯
其他美國地區
香港 台灣 北美
 
2015年12月21日

【馮仁昭四圍超】攝影師高照林 
20呎墮地傷頭

資深攝影師高照林(小圖)日前喺上海拍戲,意外從20呎高空墮地受傷。

資深攝影師高照林(沙展)日前喺上海盛強影視基地拍攝郭富城有份主演嘅影《永不消逝的電波》意外受傷,據知當時沙展坐上吊臂升到20呎高空拍攝,有架道具車撞到一間佈景屋,撞冧屋後連帶掃埋吊臂,沙展由高空跌落嚟,頭部撞地受傷,事後送咗去上海第一人民醫院搶救。

安排返港治理

沙展之前客串過王家衛嘅《一代宗師》,又為港視劇《Night Shift》擔任攝影等,同唔少港視藝人都好熟。姜文杰前幾日都喺上海拍同一部戲,佢噚日回覆話:「最新消息,沙展情況好好,因為頭同眼有輕微骨折,要再觀察多兩日,暫時唔使做手術。」佢亦喺facebook轉載沙展老婆一段報平安消息,高太話沙展好彩傷勢冇惡化,會安排佢返香港醫治,而不幸中之大幸只係前額縫咗7針,冇內出血。
另外,王宗堯噚日喺荔枝角出席聖誕活動,佢都話:「好在佢只係骨折,冇乜嘢大礙,因為我哋睇到片嘅時候,先知嗰個高度跌落嚟真係會死人㗎!」宗堯提醒同行,內地劇組人員有時較粗心,大家要特別留神。
撰文:馮仁昭

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載