› 選擇地區
三藩市
紐約
洛杉磯
其他美國地區
香港 台灣 北美
 
2015年12月21日

【我至叻】金句辣㷫全城

阿叻接受《我係乜乜乜》的主持人麥嘉緯和王迪詩訪問,討論香港社會「政治化」和世代之間價值觀的異同,言論辣㷫大批網民。

相關新聞:【精采留言】網民寸爆反擊

自誇港超人

主:你知唔知港豬係乜呢?
叻:若以直覺去講,我一定係覺得港豬即係我哋香港人好似豬咁樣,咁嘅睇法。我梗係唔係啦,我係港超人,唔係港豬。

老屈網民

主:網上潮語係咪好低B呢?
叻:網民其實係一批乜人呢?係憎人富貴厭人窮嘅人……

相關新聞:【好文共賞】最有影響力的人

12A理論

主:𠵱家後生仔有乜問題?
叻:我睇實質論英雄㗎箒,你同我考12個A畀我睇囉,唔通黃之鋒會考到咩?係咪?佢連八間大學都考唔入,咁樣我點話你叻呀?

豪言做特首

主:叻哥你係嗰個年代出身,機會比較多……
叻:我機會梗係少啦,如果唔係我做咗fb創辦人朱生(朱克伯格)啦!我係90後,我諗我會做咗特首囉……比新加坡更好,更自由。

國家唔係你嘅

主:梁振英搞到社會民怨四起,當權者是有責任令到社會氣氛好。
叻:因為佢哋成日覺得唔係佢哋選出嚟(特首),係六百八十九個人選佢出嚟,所以佢哋條氣唔順……你接唔接受都冇用,因為呢個國家唔係你嘅,唔係你打出嚟嘅天下。

23條都唔立

主:你覺得𠵱家香港有溫水煮蛙呢個情況?
叻:冇,唔覺得……𠵱家23條都唔立,咁點圈細你呢!不嬲都要中央管治權啦!你係咪中國人呀?點解唔畀中國管箒……

比曾蔭權好

主:你認為梁振英有冇問題?
叻:呢個係每個人睇法覺得佢點做嘢,如果佢𠵱家咁嘅做法,一定比曾蔭權好……佢(特首)有乜問題呢?你夾硬成日話佢攞五千萬,我哋做生意嗰啲,我叻只畀五千萬?

崇拜新加坡

背景:近年立法會議員經常就政府的議題拉布,將政府施政拖延,阿叻認為拉布就係搞搞震。
叻:如果我做特首,我就「撲」斬纜,去(執行),咁唔係點做強勢政府呀!李光耀咪咁做囉,新加坡咪得咗囉。

包容蔡思貝

主:國力書院知唔知發生乜事?
叻:哦,你講砌蔡思貝嗰單,世界乜都有,只要搵到錢嘅地方,就會有人諗計。印假銀紙都有人印嘅。買嗰個儍,賣嗰個又儍,係咁多喇!我唔覺得係一件事嚟㗎。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載