› 選擇地區
三藩市
紐約
洛杉磯
其他美國地區
香港 台灣 北美
 
2015年12月27日

有話兒:珍妹要孫唔要佬

李麗珍和邵仲衡相隔23年再合作,各有家庭和經歷,珍妹明言寄情女兒是個好方法。攝影:陳俊強

兩代人,不一樣的愛情故事。
葉念琛導演紀念入行10周年的新片《紀念日》,講回老本行的愛情故事,亦藉此總結自己的作品。戲內60後的邵仲衡配李麗珍,反璞歸真淡如止水,自有一番情趣;與80後的方力申跟鄧麗欣吵吵鬧鬧如家常便飯、卻樂此不疲相比,完全表達出兩代人在愛情上的落差,足以用光年計算。在戲內經歷着現實中影子的珍妹坦言另一半不在身邊,就不可只靠愛情令自己開心,所以現時設定的人生目標是:「做阿婆,好過攞獎」。
撰文:卓寶花、譚倩宜

60後的體驗:將感情釋放

現年49歲的李麗珍和51歲的邵仲衡,由23年前在經典劇集《大時代》中的螢幕情侶,發展到在新片中飾演遲來的戀人,這一代人的愛情觀跟時下少男少女在看法上出現明顯落差。昔日邵仲衡和珍妹合作時兩袖清風,現今已各有子女,邵仲衡再遇珍妹,他笑言:「默默遙望佢,大家保持得幾好,20幾年冇見,一見番即問珍妹攞電話。」
珍妹在《紀》片中的部份情節,有現實的影子,她與已有家室的邵仲衡離合,單親媽媽要親自湊大女兒,飽歷感情風雨。提到角色的一段情,觸發珍妹情感,她說:「現實生活想身邊有老公、情人留喺身邊,但有時好多嘢唔係想像中咁美滿,每個人經歷嘅故事唔同,如果老公、情人唔喺身邊,好多時唔可以只靠愛情令自己開心,要搵好多心靈安慰。」珍妹在現實中與潘源良相戀,到底她會情歸何處有待揭曉,但肯定她會選擇女兒是唯一所愛及寄情所在,珍妹說:「小朋友幾歲開始已好需要你喺身邊,12、13歲係反叛期,去親近佢係冇乜可能,由細到大都有溝通有好大幫助,否則會激死自己,將自己感情釋放,寄情仔女身上係幾好方法。」
轉眼間,珍妹與前夫許愿的女兒許倚榕今年18歲,在外國留學,明年會入讀大學,邵仲衡取笑珍妹就快做阿婆,她還說:「見到戴蘊慧已經做阿嫲,呢個先係成就,好過攞獎,抱孫仲係一個後生女心態時,咁先叫享受人生。」珍妹坦認想快啲抱孫:「湊大一個小朋友要好大體力,過多10年未必有咁嘅體力睇住佢大。」

邵仲衡讓囝囝話事

近年潮興星二代踏足娛圈,但珍妹極力反對,她說:「可能我14、15歲入行,覺得幾辛苦,唔係咁易捱,有得揀希望佢唔好揀我呢條路,10幾歲出嚟拍嘢,唔可以轉第二行,不如自由自在,鍾意飛去邊就邊,唔需要受合約管束住。𠵱家競爭好大,會有壓力,阿女好彩冇興趣入娛圈。」邵仲衡與一對分別13和14歲囝囝如朋友一樣相處,他認為入行言之尚早,會讓兩子順其自然發展。
化妝:Florey Leung of Florey Leung make up
髮型:Simm Lui of La Mad Salon

80後的體驗:小方Stephy為罐頭湯鬧交

方力申(小方)跟鄧麗欣(Stephy)因合演《獨家試愛》定情,相隔10年拍到續篇《紀念日》,Stephy演的阿寶已由當年小鳥依人蛻變成女強人,強勢霸氣影響跟另一半的感情,小方笑言現實中的Stephy亦一樣:「佢喺現實中都係好強勢,喺屋企雖然排最細,但就話晒事,工作上亦一直好順利,出道就做隊長、𠵱家又係老闆,又係排球隊隊長,所以我個角色就好似戲中阿強一樣,女尊男卑。」Stephy即搶着糾正小方的說法,指他們地位平等。
兩人拍拖多年來,最深印象的一次爭拗,是由「煲碟」引起,Stephy說:「我哋拍拖頭3年都冇嗌過交,有次喺屋企煮lunch,我煮意粉,佢煲罐頭湯,我煮好放落一隻碟度,諗住一人一啖好sweet咁食,點知佢發脾氣,堅持話要分碟,仲話煲湯不如成煲飲,我當時真係嬲到喊!」小方即解畫說:「咁我大食,意粉又有汁,唔通用手接住咩?我係諗住撐枱腳嘅!」Stephy笑言不會再因此而吵架:「經一事長一智,唔會重複犯錯,所以以後唔再煮嘢食。」

容易公私不分

葉念琛的電影刻畫愛情陰暗面,Stephy自言有遇過:「最恐怖嘅欺騙,就係呃咗你而你唔知。」小方即緊張問是否跟自己有關,似乎「身有屎」的他再解釋:「就係冇先緊張,最慘係俾人屈。」
工作上是夥伴,私下是情侶,Stephy坦言有時也會混淆了身份:「因為我哋喺工作上係夥伴,某程度上係會影響咗,有啲事要聰明啲去處理。女仔特別會感情用事,有時可能因為工作關係,要先放低男女朋友身份,但有時就會混淆咗而有拗撬。」
服裝: Injury(方力申)、Loey(鄧麗欣)
化妝: Yen Lai(方力申)、Cyrus Lee(鄧麗欣)
髮型: Vince Pang of IL Colpo Platinum TST、Euling Chow

搣甩「愛」字頭

導演葉念琛素有「MK活地阿倫」之稱,原因是他擅長拍愛情電影,新作《紀念日》雖然是《獨家試愛》的延續篇,但片名中卻有別於過往的「愛」字派,例如《十分愛》、《獨家試愛》、《我的最愛》和《婚前試愛》,小方解釋在內地的片名仍然有「愛」存在,他笑說:「想搣都搣唔甩!今次套戲都有粉紅色喺海報。其實內地片名都係有「愛」字,叫《分手再說我愛你》。」
Stephy笑言自己十分努力為此片搜集戲名,當想到「紀念日」三字時,即靈機一動,決定以此作新片電影名。相隔10年再演同一角色,小方坦言感覺更得心應手:「因為無論戲內戲外都係10周年,加上有所經歷,所以演起嚟更加實在。」小方又指為了此片,與Stephy均出動了不少私伙:「好多都係我哋真實嘅事,連海報上都係用我哋嘅私人照片。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載