› 選擇地區
三藩市
紐約
洛杉磯
其他美國地區
香港 台灣 北美
 
2015年12月31日

奔喪期間獲友陪伴
黃宗澤哀傷別亡父

戴黑超的黃宗澤,昨日一身黑色素服現身殯儀館。

黃宗澤(Bosco)的父親黃廣義,早前因肺癌離世,享年72歲。黃父昨日在世界殯儀館明樂堂設靈,喪禮以佛教儀式進行,今早11時出殯,遺體將移送歌連臣角火葬場火化。

帛金捐獻行善

Bosco一歲時父母離異,之後父親再婚,但作為家中獨子,Bosco昨日下午3時半已抵達殯儀館幫手打點,可是未見其母同行。戴住黑超的黃宗澤一身黑色素服現身,神情哀傷;黃父離開當日,Bosco因為身在杭州拍劇,未能送亡父最後一程,他曾在網上留言自責是不孝子。問到現在心情是否已平復?他說:「好咗好多喇,呢段時間好多朋友都驚我一個人,都約我出嚟食飯。」是否走得好突然?他說:「都係。」
Bosco透露帛金將捐到香港癌症基金,問到是否爸爸遺願?他說:「呢個係一家人嘅決定。」Bosco續透露家人早前已經準備了陪葬品,是黃父生前穿的衣服;問到黃父生前在中環區的花店生意怎樣處理?Bosco說﹕「佢退咗休,冇乜所謂。」黃爸爸臨終前有沒有甚麼囑咐?Bosco說:「冇乜,爸爸最大心願,就係希望我哋健健康康,叫我哋好好照顧自己。」喪禮完畢後,黃宗澤表示會先休息一段時間,他說:「唞吓,1月會再喺香港拍嘢。」
傍晚6時許,Bosco安排小食予在場傳媒,而黎耀祥、梁烈唯、陳志健與太太亦有到場致祭,黎耀祥說:「我唔認識Bosco爸爸,但我同Bosco合作過,覺得呢段時間係好需要朋友支持同慰問,加上自己係過來人,父母都唔喺度,知道如果朋友有嚟心情會好啲。」他透露明天要返大陸工作,會再抽時間約Bosco食飯。
至於梁烈唯則說:「知道佢(Bosco)一路好努力搵錢幫爸爸醫病,但佢唔係成日講,佢都好堅強,但有次食飯講到健康重要性,講到佢爸爸個病都好擔心,要好龐大醫藥費。做朋友幫唔到啲乜嘢,但要畀佢知朋友一直係身邊。」
採訪:黃曉妍
攝影:陳俊

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載