› 選擇地區
三藩市
紐約
洛杉磯
其他美國地區
香港 台灣 北美
 
2016年01月03日

「見樣」即揀高富帥劉鳴煒
高登仔插港女:身體很誠實

華人置業主席兼行政總裁、青年事務委員會主席劉鳴煒,一出世已經贏在起跑線上,人又靚仔。金句包括指青少年寧願多消費都唔願犧性儲首期買樓:「願唔願意犧牲,睇少啲戲、去少啲日本?」、「睇唔到樓市跌就唔好預備,使晒去算啦,呢個態度我覺得唔正確。」昨晚港台節目《我係乜乜乜》,就搵咗佢同游學修做咗個「男神測試」,還請來一班香港女仔(簡稱港女),唔俾佢哋見到兩男個樣,只係問問題,例如價值觀:如果到糧尾,得番100蚊食情侶餐會點食法、錢途同前途又同如何?政見又如何?

當初未開個白幕、未見樣前,游學修都好有吸引力,大多數女仔都去佢嗰邊,反而劉鳴煒好少人揀;點知一揭幕,兩男現真身,眾女即時轉軚,話覺得劉鳴煒個樣成熟、對眼靚啲、讚佢型。大批港女仲係當住游學修面轉投劉鳴煒「旗下」,sosad。

引述部份女參加者讚美劉鳴煒之辭:
「樣同成個package都係佢(劉鳴煒)好啲。」
「我依家睇男神我就純粹睇樣…」
「你(游學修)都靚仔但真係太0靚仔樣,佢(劉鳴煒)就真係成熟穩重同埋佢隻眼真係好靚。」
「我最後都係覺得樣,成個package好似呢面好啲。」

批評劉鳴煒「離地」嘅一眾高登巴打,親眼目睹港女們「一見樣即轉軚」、要一個package全包宴的男朋友,反應當然係……你都估到啦。
「口裡說不,身體……」
「一知道有錢,即刻轉呔。」
「啲港女人真係好笑,完全唔放過啲機會。」
「見面就轉,係最俾人睇唔起。」
「港女用事實證明佢地係會當住你面起你飛腳。」
「大劉個仔講嘢完全冇內容,一味講啲好大路嘅嘢,其實一係就有人已經做緊,一係就實行唔到。」
「條女話政見唔同即刻分手,見到有錢仔就飛過去,好好樣衰。」

班網民除咗插爆班港女之外,仲有就係插爆劉生,網民話:「如果你老豆唔係大劉,你都唔知喺邊啦。」「試下佢冇錢有女跟佢嗎?」
「價值觀 = 支持邊隊球隊?反映出呢條二世祖何其膚淺!」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載