› 選擇地區
三藩市
紐約
洛杉磯
其他美國地區
香港 台灣 北美
 
2016年01月06日

墮冰河多得工作人員識急救
衛詩雅:凍到冇晒知覺

衛詩雅上月接拍四川衛視真人騷《怒放霸王花》,跟15名來自內地各地的女藝人和運動員,到海拔三千多米高的四川姑娘山雙橋溝景區進行野外求生比賽。上個月山區的氣溫長期低至零下十幾度,亦不時會刮起大風雪,她們要在野外追逐奔跑比賽,所以有一定程度的危險。比賽初段,詩雅亦曾一度患上高山症,要飲用預防與治療高山症的中成藥「紅景天」,曾facebook曾留言:「在-10度的環境下,人生第一次感覺不到自己的手指腳趾……看到我微微的眼淚嗎?」可想而知,這是一個艱苦的挑戰。

否認昏迷

昨日突然有報道指衛詩雅拍攝真人騷時,不小心跌落冰河,送院後,昏迷了兩日。衛詩雅昨日接受本報電話訪問,確認日前拍攝比賽時發生意外:「的確前兩日我係發生咗意外,我喺比賽緊一個競技真人騷,內容係一個追捕嘅遊戲,前兩日我喺追逐嘅時候,落咗河,河溫度係負數,大概係一個半小時之後,最後喺一個好急河流完成任務,其中有人喺河入面暈倒,救咗佢上來之後,因為我都好凍,成個身落咗水全身都冇晒知覺跟住暈倒,醒番已經被送去醫院,過程唔係好耐,當時大家都好緊張,劇組知道啲水過心臟係非常危險,而當時拍攝其中一個工作人員係識得急救,佢即刻幫我按人中同埋做心外壓,入到醫院有番體溫都醒咗,呢幾日係身體未恢復過來,而電話唔係身邊,聽唔到大家電話,回應唔到,多謝大家關心,𠵱家OK,我會繼續完成比賽先返香港,暫時可以,OK嘅!多謝晒!」
經理人Oscar接受訪問時說:「佢醒咗就打畀公司,公司有問佢使唔使棄權返香港,詩雅話唔使,冇事。」
據知劇組為免節目內容外洩,沒收參賽者所有通訊設備,只在放假日子發還,加上山區接收訊號弱,所以很難聯絡上。
採訪:皓騫

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載